Анлайн-дадатак да газеты
"Народная Воля"

7:00 27 чэрвеня 2017
8
Памер шрыфта
Словы М.Багдановіча
Музыка народная
 
Зорка Венера ўзышла над зямлёю,
Светлыя згадкi з сабой прынясла...
Помнiш, калi я спаткаўся з табою,       2 разы
Зорка Венера ўзышла.
 
З гэтай пары я пачаў углядацца
Ў неба начное i зорку шукаў.
Цiхiм каханнем к табе разгарацца        2 разы
З гэтай пары я пачаў.
 
Але расстацца нам час наступае.
Пэўна ўжо доля такая у нас…
Моцна кахаў я цябе, дарагая,   2 разы
Але расстацца нам час.
 
Буду ў далёкім краю я нудзіцца,
Ў сэрцы любоў затаіўшы сваю.
Кожную ночку на зорку дзівіцца         2 разы
Буду ў далёкім краю.
 
Глянь іншы раз на яе – у расстанні
З ёю зліем мы пагляды свае...
Каб хоць на міг уваскрэсла каханне,    2 разы
Глянь іншы раз на яе...
Каб мець магчымасць прачытаць цікавыя і актуальныя артыкулы, купляйце PDF-версію газеты!
Хуткая аплата праз смс-сервіс

Чытайце таксама

Беларускі праваабарончы форум заклікаў ўлады спыніць ціск на адвакатуру і незалежныя прафсаюзы

У Рэзалюцыі па выніках форуму праваабаронцы заклікалі беларускія ўлады  спыніць ціск на незалежныя прафсаюзы і на адвакатуру.