Анлайн-дадатак да газеты
"Народная Воля"

6:00 1 снежня 2016
24
Памер шрыфта

Нядаўна мяне напаткала вялікае гора. І я вымушаны быў звярнуцца ў магазін рытуальных паслуг, каб набыць адпаведны атрыбут для ўшанавання памяці стрыечнай сястры. Балазе магазін амаль побач з домам, у якім я пражываю, – на вуліцы Несцерава.

Падаю тэкст для напісання на жалобнай стужцы. І тут жа чую:

– На белорусском мы не пишем, только на русском.

Звяртаю ўвагу, што такім чынам парушаецца закон аб мовах. У адказ спасылка на Лукашэнку: маўляў, ён жа гаворыць па-руску.

У самоце і з абурэннем пакідаю ўстанову, якая дзейнічае пад шыльдай “Таварыства з абмежаванай адказнасцю “Адэль-фос”. Успомніў, што на вуліцы Аранскай таксама ёсць магазін рытуальных паслуг.

– Ды мы вам напішам на любой мове, – сказаў мне адзін з прадаўцоў. Пры гэтым пацікавіўся, якога полу і якога ўзросту нябожчык. Пакуль словы выводзіліся на стужцы, ён прапанаваў адпаведны кошык з кветкамі, праз некалькі хвілін замацаваў стужку так, каб не баўталася, ды ўпакаваў усё ў вялікі цэлафанавы пакет.

Я не стаў бы пісаць пра ўсё гэта, калі б не далейшы працяг гісторыі пасля таго, як я ў першым магазіне вырашыў зрабіць запіс у Кнізе заўваг і прапаноў. Неўзабаве атрымаў афіцыйны адказ. Вось ён:

«На Вашу запись в Книге замечаний и предложений от 12 октября 2016 года сообщаю следующее. На сегодняшний день отсутствует техническая возможность надписи ленты принтером на белорусском языке по причине отсутствия на клавиатуре компьютера белорусской азбуки. Вам было предложено осуществить надпись на ленте специальным маркером, однако Вы от данного предложения отказались.

Директор ООО «Адэль-фос»

П.А.Поляков».

Я не апісваю, з якой цяжкасцю я дабіўся, каб усё ж атрымаць Кнігу заўваг і прапаноў. На маё законнае патрабаванне мяне сталі палохаць міліцыяй і імітаваць, быццам яны яе ўжо выклікаюць. Хутка прыехаў дырэктар, але ён нават не прадставіўся. Дарэчы, нельга было даведацца і прозвішчы прадаўцоў.

Ліст ад спадара Палякова я вярнуў з допісам: маўляў, прашу даць адказ на мове, на якой зроблены запіс, а атрыманы адказ лічу знявагай і адпіскай.

А цяпер даю вытрымкі з дыктафоннага запісу, які я зрабіў падчас гутаркі з работнікамі магазіна рытуальных паслуг, што на вуліцы Несцерава. Лічу, што гэта была адкрытая спроба абвінаваціць мяне ў русафобіі.

– Такая позиция у вас и у военных Украины: кто не скачет, тот маскаль… (Не зразумела, з якой нагоды гэта сказана і дзеля чаго?)…

– Как вам не стыдно так относиться к русскому языку? У нас президент говорит по-русски… (Я ні слова не сказаў пра рускую мову.)

– Я и директор не белорусы… (А я ў іх і не пытаўся, хто яны па нацыянальнасці.)

– Почему у вас такое пренебрежение к русскому языку?.. (?!)

Вось да чаго дажыліся! Я, беларус, не магу папрасіць прыгожа напісаць на беларускай мове некалькі слоў. Не ад рукі, не абы як, а выкарыстоўваючы камп’ютарныя тэхналогіі. Замест таго каб выконваць закон, спасылаюцца на прэзідэнта, маўляў, ён размаўляе па-руску.

Шмат нерваў я згубіў, але ўсё ж дасягнуў жаданага. Неўзабаве на прылаўку згаданага магазіна з’явілася невялічкая аб’ява, што надпісы на беларускай мове робяцца спецыяльным маркерам. А што, нельга было вырашыць такую праблему раней?

Мікола ЛАВІЦКІ, пенсіянер.

Мінск.

Каб мець магчымасць прачытаць цікавыя і актуальныя артыкулы, купляйце PDF-версію газеты!
Хуткая аплата праз смс-сервіс

Чытайце таксама

Лукашенко открыл завод «Белджи» и рассказал об указе по стимулированию покупки автомобилей Geely белорусами

В Беларуси разрабатывается проект указа, направленный на стимулирование покупки белорусами отечественных легковых автомобилей, произведенных СЗАО "Белджи".

МНС сможет блокировать операции плательщиков по их электронным кошелькам

Министерство по налогам и сборам Беларуси получило право приостанавливать операции плательщиков по их электронным кошелькам.

В Беларуси задержан корреспондент «Украинского радио». Его обвиняют в шпионаже

Руководитель Национальной общественной телерадиокомпании Украины Зураб Аласания сообщил, что посольство Беларуси уклоняется от ответа о причине задержания украинского журналиста Павла Шаройко.