Анлайн-дадатак да газеты
"Народная Воля"

7:00 27 чэрвеня 2017
24
Памер шрыфта

Старшы аналітык кампаніі “Альпары” патлумачыў, чаму ў мінулым месяцы беларусы здалі валюты на рэкордную суму.

Паводле дадзеных Нацбанка, у мінулым месяцы чысты продаж наяўнай валюты склаў больш за 268 мільёнаў долараў. Такім чынам, пабіты рэкорд, усталяваны ў верасні 2016 года. Увогуле, толькі з пачатку года насельніцтва прадало наяўнымі даволі вялікую суму – больш за 2,8 мільярда долараў.

– Беларусы праядаюць запасы, – кажа эксперт. – З пачатку года мы бачым дастаткова ўстойлівую тэндэнцыю росту чыстага продажу валюты насельніцтвам.

– А можна сказаць, колькі сёння ў людзей яшчэ валюты “на руках”?

– Такой статыстыкі няма, але, напрыклад, на валютных дэпазітах насельніцтва захоўвае каля 7 мільярдаў долараў.

– Ці пераводзяць беларусы валютныя ўклады ў рублёвыя?

– Да сакавіка гэтага года можна было казаць пра гэта, хаця скарачэнне тэрміновых валютных дэпазітаў па аб’ёме перавышала ў эквіваленце прырост рублёвых укладаў. Адным словам, людзі здымалі валютныя дэпазіты, і невялікую частку пераводзілі ў рублёвыя, а большую неслі ў пункты абмену валют. Але ў апошні час можна сказаць, што не вельмі вялікай папулярнасцю карыстаюцца і рублёвыя дэпазіты.

– Людзі працягнуць здаваць валюту?

– Нельга гарантаваць, што аб’ёмы здачы будуць такія ж, як і ў маі, але сама тэндэнцыя працягнецца – насельніцтва застанецца прадаўцом валюты. Па меншай меры да таго часу, пакуль не пачнуць расці рэальныя даходы людзей.

Аўтар: Сяргей НІКАНОРАЎ 
Каб мець магчымасць прачытаць цікавыя і актуальныя артыкулы, купляйце PDF-версію газеты!
Хуткая аплата праз смс-сервіс

Чытайце таксама

У Літве стварылі праект, які мусіць супрацьдзейнічаць расійскай прапагандзе

У Літве запрацаваў сайт «Vatnikas» на якім будуць публікавацца дадзеныя тых, хто распаўсюджвае расійскую прапаганду, ілжывую інфармацыю і наогул розным чынам спрабуе маніпуляваць свядомасцю жыхароў Лі

Чемпионат по зимнему плаванию проходит в Минске

17 января в Минске на реке Свислочь стартовал открытый чемпионат Беларуси по спортивному зимнему плаванию "Минск Опен" — III этап Кубка мира IWSA World Cup.

КНДР и Южная Корея пройдут на Олимпиаде под общим флагом

Северная и Южная Кореи договорились о создании единой женской команды по хоккею на зимних Олимпийских играх в Пхенчхане.