Анлайн-дадатак да газеты
"Народная Воля"

7:00 23 чэрвеня 2017
4
Памер шрыфта

Фігурант “справы патрыётаў”, якога не так даўно адпусцілі з СІЗА пад падпіску аб неразгалошванні, распавёў, што яго найперш хвалюе пасля выхаду на волю.

Нагадаем, што паплечнік Мікалая Статкевіча быў затрыманы напярэдадні Дня Волі і змешчаны спачатку ў СІЗА КДБ, а пасля пераведзены ў СІЗА на Валадарскага. Сяргею Кунцэвічу прад’явілі абвінавачанне па артыкуле 293 ч.3 Крымінальнага кодэкса (падрыхтоўка масавых беспарадкаў).

Сюжэт пра яго затрыманне паказалі па тэлебачанні, на экране дэманстраваліся кадры, як з яго машыны быццам бы дастаюць бутэлькі з гаручай сумессю.

Кунцэвіча выпусцілі пад падпіску аб нявыездзе і неразгалошванні інфармацыі.

“Зараз займаюся здароўем, – распавядае Сяргей. – У мяне сур’ёзнае захворванне нырак, а некалькі месяцаў знаходжання ў ізалятарах здароўя, натуральна, не дадалі. Аналізы былі вельмі дрэнныя, таму спачатку паклалі ў бальніцу, але, шчыра кажучы, я не вельмі веру ў беларускую дзяржаўную медыцыну. Таму вырашыў лячыцца дома самастойна”.

Паводле слоў Кунцэвіча, ён даваў падпіску аб неразгалошванні, але сам дакладна не ведае, што можна расказваць, а што нельга.

“Я распавёў грамадскасці пра факты катаванняў у ізалятары, думаю, меў на гэта поўнае права, – дадае ён. – Увогуле лічу, што калі ад народа мы не ўбачым падтрымкі фігурантаў “справы патрыётаў”, то будучыні ў нашай краіны не будзе. За кратамі знаходзяцца сапраўды адданыя Беларусі людзі. Ім неабходна падтрымка, таму 22 чэрвеня збіраюся правесці акцыю салідарнасці з вязнямі”.

Аўтар: Алесь СВЯТЛАНІЧ 
Каб мець магчымасць прачытаць цікавыя і актуальныя артыкулы, купляйце PDF-версію газеты!
Хуткая аплата праз смс-сервіс

Чытайце таксама

«Беларускі гістарычны анекдот» — доўга, трапна і не заўсёды смешна

15 гадоў працы аддаў Сяргей Шапран кнізе “Беларускі гістарычны анекдот”, героямі якой сталі больш за 100 вядомых беларускіх грамадскіх і культурных дзеячаў.

Лукашэнка абмеркаваў з Макеем пытанні аптымізацыі МЗС і развіцця знешнеэканамічнай дзейнасці

Пытанні аптымізацыя МЗС і развіцця знешнеэканамічнай дзейнасці абмеркавалі 18 студзеня на сустрэчы ў Мінску Аляксандр Лукашэнка і міністр замежных спраў Уладзімір Макей.

Як выбарчая камісія «падарыла» кватэру актывісту апазіцыі

Для некаторых палітычных сіл Беларусі папярэднія вынікі рэгістрацыі кандыдатаў у дэпутаты мясцовых Саветаў вельмі несуцяшальныя – у агітацыйную кампанію не будзе дапушчана большасць прапанаваных прадс