Анлайн-дадатак да газеты
"Народная Воля"

7:00 9 чэрвеня 2017
8
Памер шрыфта

Сядзіць беларус на цвіках,

Палахліва на ўсіх пазірае.

Ужо пацямнела ў вачах,

Ды ўстаць ён з цвікоў не жадае.

І год ён сядзіць і два…

І моўчкі на ўсіх глядзіць.

Баліць ад цвікоў галава

І тое, на чым сядзіць.

Сядзіць беларус, і на лёс

Не жаліцца ён нікому,

Балюча яму да слёз,

Бо колюць цвікі па-жывому.

Ды трэба сядзець на цвіках,

Бо так загадалі “вяльможы”.

Не ўсім жа хадзіць у панах –

Сядзіць. Можа, Бог дапаможа?

Шкадуе яго паляк,

І дошчачку фін падстаўляе.

А ён, беларус-дзівак,

Той дошчачкі браць не жадае.

І немец, і швед, і чэх

Здзіўляюцца: ўстань, небарача!

А ён, бы курам на смех,

Трывае, маўчыць і не плача…

Ржавець пачынаюць цвікі,

А беларус  не здаецца…

Сядзіць палахлівы  такі –

Аж коле цвікамі ў сэрца.

Ці месяц зірне з-за муроў,

Ці раніца заружавее…

І ўжо не заўважана кроў

У жылах яго іржавее.

Аўтар: Сяргей ЧЫГРЫН 
Каб мець магчымасць прачытаць цікавыя і актуальныя артыкулы, купляйце PDF-версію газеты!
Хуткая аплата праз смс-сервіс

Чытайце таксама

Актывісты моладзі БНФ атрымалі штрафы ў 20 і 25 базавых (+пастанова суда)

Заяўнікі акцыі 25 жніўня былі абвінавачаны ў тым, што не падалі пісьмовую адмову ад правядзення масавага мерапрыемства, пасля таго як Мінгарвыканкам забараніў шэсце, прымеркаванае да дня абвяшчэння су

МВД России назвало срок возможной установки постов на границе с Беларусью

Как сообщает РБК, посты на границе Беларуси и России могут появиться на автострадах и железной дороге уже весной 2018 года.

“Дзе грошы на капітальны рамонт нашых дамоў?”

Адказ на гэтае пытанне спрабуе адшукаць намеснік старшыні Аб’яднанай грамадзянскай партыі падпалкоўнік міліцыі ў адстаўцы Мікалай Казлоў.