Анлайн-дадатак да газеты
"Народная Воля"

7:00 9 чэрвеня 2017
10
Памер шрыфта

27-гадовы Валерый Болт ужо наездзіў на веласіпедзе па Заходняй Еўропе і Каўказе каля 16 тысяч кіламетраў. 5 мая ён адправіўся ў чарговае падарожжа…

“З’ехаў у Малайзію, – абвясціў беларускі экстрэмал у сацыяльных сетках. – Падарожжа на 15 тысяч кіламетраў. Будзе крута! Вязу ў сваіх вачах увесь свет! Беларусь – Расія – Казахстан – Манголія – Кітай – В’етнам – Лаос – Тайланд – Малайзія…”

“20-ы дзень, – апісвае свой велапаход Валерый. – Балашоў, Расія. Раніцай моцны і халодны вецер, які перашкаджае ехаць… У адну з вёсак заехалі за вадой. Пакуль я набіраў яе, распавёў дзеду, адкуль мы, куды едзем і як харчуемся. Такім чынам падрыхтаваў дзядулю і напрыканцы папрасіў у яго варэння. Той замітусіўся і знайшоў літр клубнічнага. Так што сёння халву можна не купляць. А вось з бульбай у людзей у гэтым рэгіёне праблема, дрэнныя ўраджаі былі… Увогуле, харчуемся мы вельмі добра, пры гэтым трацім у дзень на дваіх 150–180 расійскіх рублёў. Гэта ўсяго 3 долары. Пакуль схема працуе”.

– Першапачатковыя планы сына некалькі змяніліся, – распавядае “Народнай Волі” Павел Болт, бацька велатурыста. – Да Курска Валерыю давялося ехаць аднаму і толькі там да яго далучыўся сябар Васіль, з якім яны і працягнулі шлях. Акрамя таго, унесла карэкціроўку і надвор’е, таму красавіцкі старт давялося перанесці на пачатак мая. Зараз хлопцы едуць па Расіі, а ў Іркуцку спыняцца, каб зрабіць кітайскія візы.

– Наколькі вядома, спачатку падарожжа планавалася на два гады…

– Яно будзе скарочана, бо адмовіліся ад паездкі у Аўстралію.

– Колькі ідзе падрыхтоўка да такога велапаходу?

– Мне здаецца, калі я еду ў Мінск на машыне, то рыхтуюся да паездкі больш, чым Валера да сваёй вандроўкі. Яму больш трэба было нейкія арганізацыйныя пытанні вырашаць – шукаць спонсараў, забяспечваць інфармацыйную падтрымку. А тэхнічны бок вялікай падрыхтоўкі не патрабуе. Літаральна за тыдзень купіў спальны мяшок, намёт, запчасткі з сабой узяў… Вось і ўсе зборы.

– Валерый піша, што на дваіх з таварышам яны трацяць у дзень 3 долары. Нешта зусім мала…

– У іх з Васілём дэвіз: “Далей – танней”. Вось такі бюджэт яны для сябе вызначылі, а ўсім астатнім добрыя людзі забяспечваюць. Хтосьці па дарозе бульбы дасць, нехта яек… Адным словам, харчуюцца паўнавартасна. Ды і ў матэлях ці гасцініцах яны не спыняюцца, а начуюць у намётах. Увогуле, стараюцца аб’язджаць вялікія гарады, бо галоўнае – гэта праехаць па маршруце…

– Спонсары зацікаўлены, каб матэрыяльна падтрымліваць такія праекты?

– Не асабліва. Перад гэтай паездкай Валера чатыры месяцы працаваў, а таму сам адклаў нейкую суму.

– Калі ваш сын пачаў захапляцца велатурызмам?

– Першы тур па Еўропе ў яго быў у 2015 годзе. Даехаў з сябрам да Лісабона, да Атлантычнага акіяна, і назад вярнуўся тым жа маршрутам. А ўвогуле, я купіў сыну веласіпед, калі ён быў у 6-м класе. Праўда, яго потым скралі…

– Валерый вучыўся ў Беларускім нацыянальным тэхнічным універсітэце?

– Калі гэта можна назваць вучобай… Ён паступіў, але ўжо пасля першай сесіі быў адлічаны за непаспяховасць. Затым адслужыў у арміі ў роце ганаровай варты і затым працаваў у прадпрымальніка. Хацеў з сябрам нават сваю справу распачаць (рабіць з гіпсу інтэр’ерную плітку), але ў нейкі момант загарэліся велападарожжамі, і ўвесь іх бізнес-праект адразу закончыўся.

– Ці падтрымліваеце вы такое захапленне сына?

– Няхай круціць педалі, пакуль халасцяк. З аднаго боку, спачатку ў гэтым жыцці трэба матэрыяльна сябе забяспечыць, а ўжо затым знаходзіць час, каб падарожнічаць. З іншага – у такіх вандроўках таксама нічога дрэннага няма. Здаровы лад жыцця вядзе, свет пабачыць… Але зусім было б добра, калі б гэтае захапленне можна было ператварыць у камерцыйны праект. Праўда, пакуль пра гэта даводзіцца толькі марыць.

Аўтар: Алесь СІВЫ 
Каб мець магчымасць прачытаць цікавыя і актуальныя артыкулы, купляйце PDF-версію газеты!
Хуткая аплата праз смс-сервіс

Чытайце таксама

Ёсць выява забойцы Паўла Шарамета. Але ўкраінскія ўлады яе хаваюць

Украінская паліцыя мае відэа, на якім бачны два верагодныя забойцы журналіста Паўла Шарамета. Пры гэтым выява твару жанчыны, якая падклала выбухоўку пад аўтамабіль, вельмі дакладная. Але ўкраінская па

На замглавреда «Эха Москвы» Татьяну Фельгенгауэр напали с ножом

Неизвестный проник в редакцию радиостанции "Эхо Москвы" и ранил ножом заместителя главного редактора радиостанции Татьяну Фельгенгауэр. Эту информацию агентству Интерфакс подтвердил главный редактор "

Міністр эканомікі: Ёсць сферы, дзе заробку ў 1000 рублёў давядзецца пачакаць

Нягледзячы на планы ўладаў да канца 2017 года падняць сярэдні заробак у Беларусі да 1000 рублёў, яго ўбачаць не ўсе і не адразу. Гэты факт у эфіры тэлеканала АНТ канстатаваў міністр эканомікі Уладзімі