Анлайн-дадатак да газеты
"Народная Воля"

7:00 27 чэрвеня 2017
11
Памер шрыфта

10 чэрвеня, пятніца. На гадзінніку 17.15. Я ледзь цягнуся з Камароўкі. На левым плечы цяжэрная сумка з прадуктамі, у правай руцэ – пакет з трускалкамі. І раптам чую: з падземнага пераходу даносіцца класічная музыка.

Ігралі трое: хлопец – на гітары, дзве дзяўчыны – на скрыпцы і віяланчэлі. Ігралі ўзнёсла, асабліва скрыпачка. Музыка была такая энергетычная, такая цудоўная, што я спынілася. Дый не я адна: перад музыкантамі стаяла нямало слухачоў. Некаторыя здымалі выканаўцаў на смартфоны. На падлозе ляжаў цалафанавы мяшок, куды прахожыя клалі грошы. Адзін мужчына пачціва пакланіўся, паклаў купюру і хуткай хадой рушыў далей. Гэта было так кранальна!

Музыканты ігралі вельмы добра – напэўна, студэнты кансерваторыі. Хацела спытаць пра іх у інтэлігентнага хлопца, які стаяў побач, але не змагла – мяне душылі слёзы. Я заўсёды плачу, калі чую прыгожую музыку.

Знайшоўся нарэшце разумны чалавек ці то ў Міністэрстве культуры, ці то ў Адміністрацыі прэзідэнта, які дазволіў іграць і спяваць у падземных пераходах. За мяжой жа гэта не забаронена, а мы жывём у цэнтры Еўропы.

Маладзёны дайгралі чарговую кампазіцыю, слухачы дружна заапладзіравалі. Я адчула, што добра адпачыла за такі кароткі прамежак часу, перастала балець плячо – вось як музыка дзейнічае! Хаця жыву вельмі далёка ад філармоніі, але абавязкова знайду нагоду трапіць у падземны пераход пад плошчай Якуба Коласа, каб зноў паслухаць таленавітых музыкантаў.

P.S. Часта ў падземным пераходзе на станцыи метро «Магілёўская» бачу хлопца даволі неахайнага выгляду, які спявае пад гітару нешта няўцямнае. З ім заўсёды дзяўчына – яна падыходзіць да кожнага прахожага з кепачкай у працягнутай руцэ, быццам міласціну просіць. Мяне гэта заўсёды каробіць, робіцца непрыемна. Так і хочацца сказаць “спеваку”: “Спявай лепей!”

Ніна МЯДЗВЕДЗЕВА, пенсіянерка.

Мінск.

Каб мець магчымасць прачытаць цікавыя і актуальныя артыкулы, купляйце PDF-версію газеты!
Хуткая аплата праз смс-сервіс

Чытайце таксама

У Беларусі вынесены два смяротныя прысуды

Мінскі гарадскі суд на паўторным працэсе 20 студзеня абвесціў прыгаворы абвінавачаным у забойстве ў снежні 2015 года маладой пары з Мінску і мужчыны з Калодзішчаў: для Вячаслава Сухарко і Аляксандра Ж
20 студзеня 2018

Почему Лукашенко не нужна своя КПСС

В странах СНГ у всех лидеров — пожизненных и сменяемых — есть своя партия. У всех, кроме Александра Лукашенко. Очередной съезд «Белой Руси» провели после нескольких переносов, но закончился он так же,
20 студзеня 2018

Спортсменам и тренерам повысили зарплаты

В Беларуси увеличен размер повышения тарифной ставки (оклада) в среднем с 85 до 300 процентов спортсменам, тренерам и иным специалистам национальных команд по видам спорта.