Анлайн-дадатак да газеты
"Народная Воля"

7:00 2 чэрвеня 2017
6
Памер шрыфта

Добрага здароўя ўсім супрацоўнікам рэдакцыі газеты “Народная Воля”!

У нумары за 3 мая пад рубрыкай “Каб памяталі” прачытала матэрыял аб тым, як захоўваюць магілы рускіх і савецкіх салдат у Польшчы. Клапоцяцца так, як і належыць цывілізаванаму грамадству. І гэта – добра.

У нашым Светлагорску таксама была брацкая магіла каля ракі Бярэзіны. Стаяў помнік салдату: ён схіліў галаву над прахам сваіх таварышаў, імёны якіх былі напісаны на плітах залатой фарбай.

Але 12 гадоў таму мясцовыя ўлады ўсё памянялі. Цяпер на гэтым месцы стаіць манумент пад умоўнай назвай “Звон”. Імёны герояў – у сярэдзіне гэтага “звана”. Іх можна прачытаць толькі з ліхтаром. Затое прозвішчы скульптара і архітэктара – зверху, каб усе бачылі.

Балюча было глядзець, як бульдозерам руйнавалі навакольную мясціну і машынамі вывозілі зямлю і косці салдат… І калі раней брацкая магіла лічылася святым месцам, то цяпер тут кожную раніцу дворнікі мятуць недакуркі, шалупінне і іншае смецце.

Валянціна ПАЖЫЛОВА.

г.Светлагорск.

Каб мець магчымасць прачытаць цікавыя і актуальныя артыкулы, купляйце PDF-версію газеты!
Хуткая аплата праз смс-сервіс

Чытайце таксама

«Беларускі гістарычны анекдот» — доўга, трапна і не заўсёды смешна

15 гадоў працы аддаў Сяргей Шапран кнізе “Беларускі гістарычны анекдот”, героямі якой сталі больш за 100 вядомых беларускіх грамадскіх і культурных дзеячаў.

Лукашэнка абмеркаваў з Макеем пытанні аптымізацыі МЗС і развіцця знешнеэканамічнай дзейнасці

Пытанні аптымізацыя МЗС і развіцця знешнеэканамічнай дзейнасці абмеркавалі 18 студзеня на сустрэчы ў Мінску Аляксандр Лукашэнка і міністр замежных спраў Уладзімір Макей.