Банк БелВЭБ, які трапіў пад санкцыі, прадае з аўкцыёну адразу шэсць сваіх будынкаў і памяшканняў. Інфармацыя аб гэтым размешчана на партале «ІПМ-таргі».

На аўкцыён выстаўлены наступныя лоты:

– Мінск, вуліца Гуляма Якубава: адміністрацыйнае памяшканне;

– Мінск, вуліца Скрыганава: ізаляваныя памяшканні;

– Маладзечна: будынак банка з гаражом і архівам;

– Орша: будынак банка;

– Пінск: будынак банка;

– Шчучын: адміністрацыйна-гаспадарчы будынак (1/10 долі).

Самы дарагі лот – гэта ізаляваныя памяшканні па вуліцы Скрыганава ў Мінску: стартавая цана лота 10,9 мільёна рублёў. Агульны пачатковы кошт усіх шасці лотаў складае ў суме 16,6 мільёна рублёў.

Банк БелВЭБ трапіў і пад галіновыя санкцыі супраць Беларусі, і пад санкцыі ЗША супраць Расіі: санкцыі былі накладзены на расійскі ВЭБ.РФ і 25 ягоных дачок, уключаючы беларускую – БелВЭБ.

Публікацыя з № 34 газеты “Народная Воля. Падпісацца на газету.

Поделиться ссылкой:

Падтрымаць «Народную Волю»