Спыніць вайну!

Шаноўныя суайчыннікі!

Грамадзяне Беларусі!

Гора прыйшло да нас!

Гора ўкраінскага народа – наша гора! Агрэсія Расіі не мае ніякага апраўдання.

На жаль, наша краіна ўсё глыбей уцягваецца ў багну гэтага злачынства.

Дзейная ўлада страчвае пачуццё рэальнасці і не здольная адказваць за наступствы сваіх дзеянняў. Адзінае, што мы можам зрабіць, не парушаючы канстытуцыйныя прынцыпы, – гэта не ўдзельнічаць у злачынстве і патрабаваць тэрміновага спынення вайны!

Таму заклікаем усіх вайскоўцаў, ад генералаў да радавых, – не выконваць злачынныя загады, ад каго б яны ні сыходзілі! Вашы абавязкі – абараняць тэрыторыю ўласнай краіны!

Наша будучыня – вольная незалежная Беларусь і вольныя краіны-суседзі: Украіна, Расія, Еўропа.

Канстытуцыя 1994 года, якую мы, дэпутаты Вярхоўнага Савета 12-га склікання, прынялі на вырашальным пераломе нашай гісторыі, прадугледжвала бяз’ядзерны нейтральны статус нашай дзяржавы, што цалкам адпавядае інтарэсам Беларусі!

Дэпутаты Вярхоўнага Савета Рэспублікі Беларусь 12-га склікання:

Станіслаў ШУШКЕВІЧ,

Віктар АЛАМПІЕЎ,

Сяргей АНТОНЧЫК,

Лявон БАРШЧЭЎСКІ,

Лявонці ЗДАНЕВІЧ,

Пётра САДОЎСКІ,

Іосіф СЯРЭДЗІЧ,

Алег ТРУСАЎ.

Публікацыя з № 17 газеты “Народная Воля. Падпісацца на газету.

Поделиться ссылкой:

Падтрымаць «Народную Волю»