Леанід Лыч у цяжкім стане з каранавірусам

184
Леанід Лыч

Доктар гістарычных навук, вядомы прафесар другі тыдзень знаходзіцца ў другой бальніцы. Ляжыць Леанід Міхайлавіч не ў рэанімацыі, а ў агульнай палаце на чатыры чалавекі, час ад часу ён знаходзіцца пад кіслародам.

Леанід Лыч вельмі не хацеў шпіталізавацца. Некаторы час разам з жонкай яны разам хварэлі дома. А потым жонцы стала лепей, а яго хвароба то адпускала, то накрывала ізноў.

Людміла Мікалаеўна – доктар. Яна зразумела, што без бальніцы, відаць, усё ж такі не абыдзецца.

“Леанід Міхайлавіч у шпіталях ляжаў толькі ў маладосці, яму не вельмі хацелася класціся, але што зробіш, – распавяла жонка Леаніда Лыча “Народнай Волі”. – Мы з ім па тэлефоне некалькі разоў на дзень размаўляем. Яму то лепш, то горш. То ходзіць крыху, то зноў ляжыць. Ён скардзіцца на тое, што сіл няма, і праз гэта – і настрою. Але ж гэта адна з асаблівасцяў каранавіруса – многія з тых, хто хварэў, пра гэта распавядаюць. Тут патрэбны імунітэт і час. І яшчэ вера, што ўсё будзе добра”.

Менш чым праз месяц – 8 лютага – Леаніду Лычу споўніцца 92 гады.

Будзем спадзявацца, што Леанід Міхайлавіч з дапамогай дактароў здолее справіцца з каварнай хваробай.

Будзьце здаровы, Леанід Міхайлавіч!

Публікацыя – з № 2 газеты “Народная Воля”. Поўны выпуск газеты можна спампаваць па спасылцы.

Поделиться ссылкой: