Рэпрэсіі 2020 года – самыя масавыя ў найноўшай гісторыі Беларусі

130
Затрыманне мірных пратэстуючых у Мінску пасля прэзідэнцкіх выбараў. Ілюстрацыйнае фота з адкрытай крыніцы
Затрыманне мірных пратэстуючых у Мінску пасля прэзідэнцкіх выбараў. Ілюстрацыйнае фота з адкрытай крыніцы

Рэпрэсіі 2020 года з’яўляюцца самымі масавымі ў найноўшай гісторыі Беларусі і сведчаць пра глыбокі крызіс з правамі чалавека. Да такіх высноў прыйшлі беларускія праваабаронцы, якія апублікавалі даклад па выніках маніторынгу сітуацыі з правамі чалавека ў нашай краіне цягам мінулага года.

Але гэтая катастрафічная сітуацыя не вырашаецца, мала таго, ствараюцца перадумовы для далейшага развіцця крызісу ў будучыні, сцвярджаюць аўтары даклада.

У якасці “рэха мінулага года” праваабаронцы прыводзяць у дакладзе наступныя факты і лічбы.

  • Прэзідэнцкія выбары 2020 года не адпавядалі стандартам правядзення свабодных і дэмакратычных выбараў.
  • Задакументавана больш за 1000 сведчанняў ахвяр катаванняў. Іх аналіз дазваляе сцвярджаць, што катаванні насілі масавы, сістэмны характар і з’яўляліся арганізаванай, палітычна матываванай карнай акцыяй уладаў супраць грамадства.
  • Крымінальныя справы былі ўзбуджаныя ў дачыненні да больш як 900 грамадзян. Праваабаронцам вядомыя прозвішчы больш за 650 фігурантаў крымінальных спраў.
  • 169 абвінавачаных былі прызнаныя палітвязнямі.
  • 477 журналістаў былі затрыманыя, 97 з іх адбылі адміністрацыйны арышт.

Тэрміновыя навіны чытайце ў нашым тэлеграм-канале.

Поделиться ссылкой: