Услед за айцом Сяргеем Лепіным: яшчэ адна супрацоўніца сыйшла з інфаслужбы БПЦ

238
Таццяна Кузняцова (злева) разам з айцом Сяргеем Лепіным. З архіва Таццяны Кузняцовай
Таццяна Кузняцова (злева) разам з айцом Сяргеем Лепіным. З архіва Таццяны Кузняцовай

Супрацоўніца Мінскай епархіі Беларускай праваслаўнай царквы звольнілася па меркаваннях сумлення. Так Таццяна Кузняцова выказала салідарнасць з айцом Сяргеем Лепіным – былым прэс-сакратаром БПЦ, які сыйшоў з інфармацыйнай службы ў канцы лістапада, паведамляе “Еўрарадыё”.

Прыблізна тады ж заяву напісала і Таццяна. Прайшоў месяц, і яе абавязкі перад працадаўцам вычарпаныя.

“Мой сыход абумоўлены салідарнасцю з айцом Сяргеем Лепіным, звольненым з пасады прэс-сакратара Беларускай праваслаўнай царквы пасля смелага выказавання пра знішчэнне народнага мемарыяла Рамана Бандарэнкі, і немагчымасцю далей ісці на кампрамісы з сумленнем. Пра гэта я казала цалкам адкрыта, у тым ліку Экзарху”, напісала ў Фэйсбуку пра сваё рашэнне Кузняцова.

На сайце Мінскай епархіі БПЦ Church.by яе імя дагэтуль ёсць у раздзеле “Кантакты”. Таццяна Кузняцова ўказаная там як адна з супрацоўніц сайта.

Тэрміновыя навіны чытайце ў нашым тэлеграм-канале.

Поделиться ссылкой: