У Брэсце памёр 42-гадовы актывіст Раман Рашэцкі. Яго затрымлівалі пасля выбараў, а ўчора апісвалі маёмасць

6266
Раман Рашэцкі ў цэнтры
Раман Рашэцкі ў цэнтры

Брэсцкія СМІ паведамляюць пра смерць 42-гадовага актывіста-праваабаронцы Рамана Рашэцкага, піша Наша Ніва.

Сябры адзначаюць, што нядаўна ён сядзеў на сутках, а ўчора судовыя выканаўцы праводзілі вопіс маёмасці праз неаплачаны штраф. Апроч таго, у сілавікоў узніклі пытанні да яго праз нацыянальны сцяг, выстаўлены ў акно брэсцкай кватэры.

У Брэсце памёр 42-гадовы актывіст Раман Рашэцкі. Яго затрымлівалі пасля выбараў, а ўчора апісвалі маёмасць

У Рамана засталося чацвёра дзяцей.

***

Раман Рашэцкі далучыўся да грамадска-палітычнага руху за перамены ў 2020 годзе, падтрымаў Сяргея Ціханоўскага і яго праект «Краіна для жыцця».

Першы раз Рашэцкі быў затрыманы 30 жніўня пасля нядзельнага маршу ў Брэсце, атрымаў 15 сутак зняволення.

Пасля вызвалення не атрымаў назад свой бел-чырвона-белы сцяг, патрабаваў ад міліцыі вярнуць яго, за што быў затрыманы паўторна.

Апошні раз Рашэцкага затрымлівалі ў мінулую нядзелю, праз тры дні ён выйшаў на свабоду, піша «Брэсцкая газета».

Поделиться ссылкой: