Караеў: Ідзе вайна. Жыццё і шчасце сям’і раённага міліцыянта залежыць ад таго, наколькі хутка ён выхапіць зброю

287
Караеў: Ідзе вайна. Жыццё і шчасце сям'і раённага міліцыянта залежыць ад таго, наколькі хутка ён выхапіць зброю
Скрыншот з ютуб-канала А. Крывашэева

Міністр унутраных спраў Юрый Караеў пракаментаваў сітуацыю наконт супрацьстаянні сілавікоў з пратэстоўцамі. Інтэрв’ю апублікавана на ютуб-канале Андрэя Крывашэева.

Журналіст спытаў яго, хто бярэ ўдзел у пратэстах, піша Наша Ніва.

«Выступаюць усякія людзі: гэта і спартыўныя маладыя людзі, і футбольныя фанаты, анархісты, і тыя, хто падумаў, што ў віртуальных баях і стралялках усё ўмее. І футбольныя фанаты, а гэта адменныя байцы для вулічных боек з добрай падрыхтоўкай, анархісты, якія любяць кідаць кактэйлі Молатава і страляць з рагатак (…), спектр вельмі вялікі.

Ёсць і тыя, хто ўсведамляе наступствы, і тыя, хто зусім не ўяўляе, што з ім будзе і фізічна і юрыдычна, і як ён сваё жыццё ў далейшым пакалечыць, або пашкодзіць здароўе», — мяркуе Караеў

Міністр пацвердзіў ранейшую інфармацыю, што на тэрыторыю краіны спрабавалі трапіць да тысячы замежных грамадзян, але памежнікі прафесійна спынілі гэты паток.

«Адзінкавыя выпадкі ёсць [прысутнасці інструктараў]. Тэлеграм-каналы служаць пляцоўкай для камунікацый. Яны камунікуючы бачаць адзін другога, хто больш агрэсіўны і ўжо асабіста спісваюцца і арганізуюць такеія «вулічныя банды Нью-Ёрка, якія спрабуюць працаваць па нас, святлафорах, «Табакерках». На шчасце, дамарослыя спецыялісты, банда Стампа, як я іх называю. Мы іх лёгка і 100% знаходзім і нейтралізуем — эта пачаткоўцы-тэрарысты, якіх мы, у прынцыпе нейтралізуем. Хацелася, каб гэта актыўна асвятлялася: у дачыненні да іх не да таямніц следства і не да такту».

Паводле Караева, на вуліцах прысутнічаюць і выпушчаныя па амністыі крымінальнікі, якія не ацанілі гуманнага кроку.

«Калі яны да нас трапляюць, часам у стане ап’янення, хай потым не ляпечуць, пра што яны думалі і проа што не думалі. Рэцыдыўны тэрмін будзе ўжо не такім, суд прыме ўсё пад вагу. Пры гэтым пры разборы затрыманых мы стараемся па-чалавечаму паглядзець, хто трапіў туды выпадкова, і звярмі стараемся не быць. Але і мяккацелымі таксама не будзем».

Выказаўся міністр і наконт прымянення зброі.

«Баявая зброя перш за ўсё прымяняльна пры спыненні дзеянняў злачынцаў, калі ўсе астатнія метады вычарпаліся, і нічога страшнага ў гэтай заяве няма. Бо мелася на ўвазе маім першым намеснікам — прымяненне зброі толькі з пункту гледжання законнасці і аднаўлення правапарадку. Ніхто не казаў аб тым, што яна будзе прымяняцца без разбору і па мірных пратэстоўцаў. Чалавек здзяйсняе дыверсію або тэракт, нападае на супрацоўніка міліцыі, аказвае яму не толькі супраціў, але прымяняе гвалт.

Натуральна, ён павінен быць спынены ўсіх наяўным у супрацоўніка міліцыі арсеналам: ад фізічнай сілы да баявой зброі. Я не хачу называць абрыдлую ўсім фразу пра амерыканскіх паліцэйскіх. У нас часта любяць: а вось у Амерыцы цябе, так, у Амерыцы цябе толькі за адзін пагрозлівы рух у дачыненні да паліцэйскага… І такія дзясяткі гадоў. Паліцэйскаму толькі падалося … прадмет падобны на пісталет, ён страляе без папярэджання, а потым аказваецца, што гэты быў цацачны пісталет, не пісталет зусім…», — кажа міністр.

«Калі я задаю пытанне сваім начальнікам унутраных спраў, чаму супрацоўніка ўжо білі, ужо некалькі хвілін ішла вазня, ужо спрабавалі адняць яго зброю, душылі, а ён толькі тады стаў страяць папераджальнымі ў паветра, і толькі калі яго амаль забілі, толькі тады стаў па нагах. Чаму так? Мне адказваюць, што пакуль нашы міліцыянеры не былі гатовыя да таго, каб забіць свайго аднавяскоўца, земляка, жыхара свайго раёна. Настолькі за 26 гадоў жыцця мы былі гатовыя толькі да таго, каб быць гуманнымі. (…) Гэта адыграла злы жарт. Зараз сітуацыя ў корані змянілася — ідзе вайна, скажу я так, ідзе непрыкрытае і нахабнае ўдзеянне, падпітанае беспакарнасцю і адсутнасцю страху, а мы ўсё яшчэ разгойдваемся?»

Мая праца ў тым, каб да кожнага міліцыянера данясці: тваё жыццё, будучыня тваіх дзяцей і шчасце тваёй жонкі залежыць ад таго, наколькі хутка ты выхапіш зброю і вызначыш, што цябе ўжо забіваюць, а ты яшчэ спрабуеш іх угаварыць. Шматлікія прыклады з супрацоўнікамі ДАІ, суцпрацоўнікамі ППС. Дзякуй богу, што з АМАПам баяцца так паступаць. Чамусьці ў грамадзян такое меркаванне, што з АМАПам жарты дрэнныя, а са звычайнымі міліцыянтамі можна пабыдлаганіць. Гэта будзе спыняцца гэтак жа жорстка, як гэта робіць АМАП».

Распавёў міністр і пра арсенал, які ёсць у супрацоўнікаў міліцыі

«Прыёмы рукапашнага бою, палка гумавая, газ, які афіцыйна ёсць на ўзбраенні, таксама вадамёты, сродкі абязрухвання: кайданкі, пластыкавыя кайданкі. Той набор сродкаў, які прымяняецца, каб чалавека супаоіць і даць яму астыць, а потым захаваць яму жыццё (…)

Каб ні для каго шокам не было: я скажу так, мы прывыклі, што ў краінах Захаду вадамёт разганяе, а ў нас чамусьці вадамёт з’яўляецца шокам, што прымянілі вадамёт. Гэта ўсяго толькі вада, пафарбаваная фарбай. Астудзіць некаторы запал», — мяркуе Караеў.


Няма запісаў для адлюстравання