Украінскі гурт «Пыратын» запісаў песню ў знак салідарнасці з беларусамі.
Аўтар тэксту Алесь Плотка адзначыў добрае гучанне беларускай мовы з вуснаў лідара музычнай каманды Івана Самесюка.
Сам Самесюк спадзяецца, што “песня падбадзёрыць беларусаў і нагадае пра тое, што яны не самотныя ў сваіх памкненнях і акцыях”. Ён таксама сказаў: “Шмат хто з нашых сяброў-беларусаў быў з намі фізічна і маральна ў вызначальныя для Украіны часы. Таму сёння мы ўважліва сочым за развіццём падзей, жадаем поспеху і пад’ёму агульнанацыянальнай справы! Жыве Беларусь!».
