Фота Senat Rzeczypospolitej Polskiej

12 жніўня Сенат Рэспублікі Польшча аднагалосна прыняў рэзалюцыю па сітуацыі ў Рэспубліцы Беларусь. Каб мець магчымасць азнаёміцца з рэзалюцыяй, прыводзім яе пераклад на беларускую мову.

Маршалак Сената 11 жніўня 2020 года накіраваў у Заканадаўчы камітэт, а таксама Камітэт па замежных справах і Еўрапейскаму Саюзу праект рэзалюцыі з мэтай разгляду яго ў першым чытанні.

Камітэты на сумесных пасяджэннях 11 і 12 жніўня 2020 г.разгледзелі ў першым чытанні прадстаўлены заяўнікамі праект рэзалюцыі, унеслі ў яго папраўкі і хадайнічалі аб прыняцці Сенатам адзінага, прыкладзенага праекта рэзалюцыі па сітуацыі ў Рэспубліцы Беларусь. Падпісалі: Старшыня Заканадаўчага камітэта Кшыштаф Квяткоўскі і Старшыня Камітэта замежных спраў і Еўрапейскаму Саюзу Багдан Кліх.

Рэзалюцыя Сената Рэспублікі Польшча з дня аб сітуацыі ў Рэспубліцы Беларусь (праект).

§ 1. Сенат Рэспублікі Польшча, маючы на ўвазе:

– права народаў на самавызначэнне,

– важнасць свабоды і салідарнасці ў польскай і еўрапейскай палітычнай культуры,

– права грамадзян на ўдзел у дэмакратычных выбарах, на свабоду сходаў і свабоды выказвання меркаванняў;

– абавязак павагі і выканання правоў чалавека;

– каштоўнасць дыялогу і павагі да адрозненняў палітычных поглядаў;

– важнасць правоў і свабод, неабходных для функцыянавання грамадзянскай супольнасці;

– сутнасць і значэнне свабодных СМІ, а таксама права на дакладную інфармацыю;

звяртаючы ўвагу на:

– імкненні беларускага народа годна жыць у свабоднай, дэмакратычнай дзяржаве;

– сітуацыю ў Рэспубліцы Беларусь падчас апошніх прэзідэнцкіх выбараў;

– маштаб розных рэпрэсій да выбараў 9 жніўня 2020 года, у іх ходзе і пасля іх;

– пастаяннае адхіленне беларускай Цэнтральнай выбарчай камісіяй усіх прапаноў і рэкамендацый АБСЕ;

– адсутнасць станоўчых рэакцый на амаль усе заклікі ўключаныя ў рэзалюцыях Еўрапейскага парламента ад 17 снежня 2009 года, 8 верасня 2015 г., 24 лістапада 2016 г. і 3 кастрычніка 2018 г.;

– адхіленне прэзідэнтам і ўрадам Рэспублікі Беларусь заклікаў аб увядзенні мараторыя на выкананне смяротнага пакарання;

апеляваць:

да прэзідэнта і ўраду Рэспублікі Беларусь:

– аб уступленні ў дыялог з грамадзянамі і павазе правоў меншасцяў;

– аб спыненні рэпрэсій і неадкладным вызваленні ўсіх затрыманых у сувязі з нядаўнімі выбарчымі акцыямі;

– аб павазе і выкананні рэкамендацый, якія змяшчаюцца ў наступных рэзалюцыях Еўрапарламента і АБСЕ;

– аб павазе да ўласных грамадзян, іх памкненняў і правоў;

да Прэзідэнта і ўраду Рэспублікі Польшча:

– аб скліканні Савета нацыянальнай бяспекі для абмеркавання наступстваў, якія падзеі ў Рэспубліцы Беларусь нясуць для Польшчы;

– аб прадстаўленні дзеянняў, якія прэзідэнт і ўрад маюць намер распачаць для падтрымкі беларусаў, якія патрабуюць свабоды і дэмакратыі;

– аб прадстаўленні ў парламенце падрыхтоўкі да прыёму беларусаў, каторыя могуць шукаць прытулку ў Польшчы, баючыся за сваю бяспеку, здароўе і жыццё;

– пра канкрэтную ў цяперашняй сітуацыі падтрымку незалежных СМІ, міжнародных праваабарончых арганізацый, а таксама іншых устаноў грамадзянскіх;

для міжнародных арганізацый, уключаючы Еўрапейскі Саюз:

– аб адэкватнай для сітуацыі цікавасці да Рэспубліцы Беларусь, з выкарыстаннем любых дыпламатычных інструментаў;

– аб уцягванні дыпламатыі ЕС у дзейнасць па спыненню гвалту і рэпрэсій у Рэспубліцы Беларусь, мірнага дыялогу паміж уладай і грамадствам, і іншымі палітычнымі групамі;

– аб давядзенні да фармальных дэбатаў на вышэйшым узроўні уладаў Еўрапейскага Саюза аб сітуацыі ў Рэспубліцы Беларусь;

– аб дапамозе рэпрэсіраваным па палітычных матывах, арганізацыям грамадзянскай супольнасці і незалежным СМІ;

– аб падтрымцы незалежнасці, дэмакратычных памкненняў беларускай нацыі а таксама клеймаванне беларускіх уладаў і аказанне на іх націску, каб спынілі гвалтоўнае ўціхамірванне грамадзянскіх пратэстаў.

§ 2. Рэзалюцыя падлягае абвяшчэнню ў афіцыйным часопісе Рэспублікі Польшча «Monitor Polski».