У падтрымку Віктара і Эдуарда Бабарыкаў выказаўся амерыканскі акцёр Элайджа Вуд, вядомы выкананнем ролі Фрода Бэгінса ў трылогіі «Уладар пярсцёнкаў». Вядома, што сям’я Бабарыкаў — фанаты «Уладара пярсцёнкаў» — падчас навагодніх святаў арганізоўваўся сумесны прагляд рэжысёрскай версіі фільма, перадае Еўрарадыё.
Патэнцыйны кандыдат у прэзідэнты Беларусі Віктар Бабарыка і яго сын Эдуард (кіраўнік яго штабу) знаходзяцца за кратамі з 18 чэрвеня. Першы абвінавачваецца ў «адмыванні грошай», «ухіленні ад выплаты падаткаў», «дачы хабару», другі — ва «ухіленні ад выплаты падаткаў».
