Светлана Алексиевич. Фото https://glavred.info

Лаўрэатка Нобэлеўскай прэміі па літаратуры Святлана Алексіевіч падпісала зварот у падтрымку расейскага гісторыка, кіраўніка карэльскага «Мемарыялу» Юрыя Дзмітрыева. Тэкст звароту, які адрасаваны камісару Рады Еўропы па правах чалавека Дуні Міятавіч, апублікавала «Новая газета».

Зварот было падпісана лаўрэаткамі Нобелеўскай прэміі па літаратуры Святланай Алексіевіч і Гертай Мюлер, а таксама лаўрэатам Ганкураўскай прэміі Джонатанам Літэллам. На іх думку, крымінальная справа супраць Дзмітрыева звязаная з тым, што ўлады хочуць ўзьвесці паклёп на гісторыка, каб «заглушыць памяць пра рэпрэсіі». «Не будзем забываць і сённяшні расейскі кантэкст – гэта, на жаль, паўзучая рэабілітацыя сталінізму», – адзначаецца ў звароце.

«Справа Дзмітрыева ў нейкім сэнсе вельмі нагадвае нам дзве знакамітых крымінальныя справы, калісьці ўзрушылі Еўропу: афіцэра Дрэйфуса і мешчаніна Бейлиса, якія таксама мелі відавочную палітычную падаплёку і выкарыстоўвалі масавыя забабоны», – пішуць Алексіевіч, Мюлер і Літэлл.

Пісьменнікі перакананыя: калі суд будзе справядлівым, Дзмітрыеў абавязкова выйдзе на волю.

– Юрый Дзмітрыеў – 64-гадовы гісторык, кіраўнік карэльскага аддзялення «Мемарыялу». У канцы 90-х ён выявіў масавае захаванне ахвяраў сталінскіх рэпрэсіяў у карэльскім мястэчку Сандармох.
– Кіраўніка карэльскага аддзялення «Мемарыялу» упершыню затрымалі 13 снежня 2016 года, яго абвінавацілі ў вырабе парнаграфіі. Паводле следства, Дзмітрыеў фатаграфаваў сваю прыёмную дачку аголенай. Абарона гісторыка сцвярджае, што гаворка ідзе пра здымкі з дзённіка здароўя дзяўчынкі, які Дзмітрыеў вёў для органаў апекі. – Праваабаронцы прызналі Юрыя Дзмітрыева палітвязнем. Ягоная справа выклікала шырокі грамадскі рэзананс. У падтрымку гісторыка выступілі прадстаўнікі расейскай інтэлігенцыі.
– Летам 2018 года Дзмітрыеў быў апраўданы судом па артыкулах аб распусных дзеяннях і вырабе дзіцячай парнаграфіі, яго вызвалілі ў зале суда. Аднак гэты вырак хутка адмянілі. 27 чэрвеня 2018 года Дзмітрыева зноў затрымалі і цяпер выставілі абвінавачванне ў «згвалтаванні няпоўнагадовай», гісторыку пагражае да 20 гадоў зняволення. Судовы працэс мусіць аднавіцца 15 чэрвеня.

Поделиться ссылкой: