Знаходка. Фота: МУС

МУС апублікавала фота і відэа знойдзеных на лецішчы маці відэаблогера Сяргея Ціханоўскага пад Гомелем 900 тысяч долараў. Як паведамляе «Еўрарадыё» са спасылкай на прэс-службу ведамства, ператрус праводзіўся 3 чэрвеня з санкцыі пракуратуры і ў прысутнасці маці Ціханоўскага. На відэа хтосьці кажа, што гэта яго грошы, а хто — незразумела.

Паведамляецца, што таксама былі знойдзены радыёстанцыі, фінансава-гаспадарчыя дакументы, машынка для падліку грошай, пячатка суб’екта гаспадарання.

Першым пра знойдзеныя грошы паведаміў каардынатар па Брэсцкай вобласці выбарчай кампаніі патэнцыйнага кандыдата ў прэзідэнты Святланы Ціханоўскай, блогер Аляксандр Кабанаў. Паводле яго слоў, «пры першых ператрусах гэтых грошай не знайшлі, відаць, брыгады следчых былі нявопытныя». Але калі прыехала «дасведчаная [брыгада следчых], пад раніцу, і оп-ля!». Грошы знайшлі ўначы, падкрэслівае Кабанаў.

Сяргей Ціханоўскі быў затрыманы 29 мая ў Гродне. Распачата крымінальная справа па факце «гвалту ў дачыненні супрацоўніка органаў унутраных спраў». Ціханоўскага затрымалі на 10 сутак, ён знаходзяцца ў СІЗА № 1 на Валадарскага ў сталіцы. Праваабаронцы прызналі яго палітвязнем.

МУС апублікавала фота і відэа знойдзеных 900 тысяч долараў
Фота @pressmvd
МУС апублікавала фота і відэа знойдзеных 900 тысяч долараў
Фота @pressmvd
МУС апублікавала фота і відэа знойдзеных 900 тысяч долараў
Фота @pressmvd