Фота з адкрытых крыніц

Аляксандр Лукашэнка прызнаўся, чытае папяровыя газеты. Пра гэта кіраўнік дзяржавы расказаў работнікам завода газетнай паперы ў Шклове.

— Кожную раніцу — стос газет, ад «Советской Белоруссии» да «Народнай Волі», «Нівы» там. Зверху ляжыць агляд прэс-службы. Яны манітораць па ўсім свеце сродкі масавай інфармацыі, асабліва інтэрнет-рэсурсы, выбіраючы, што пішуць пра Беларусь, пра яе прэзідэнта, пра ўладу, пра нашых людзей. І асноўныя тэмы актуальныя, якія адбываюцца ў свеце. Хоць я сам адсочваю гэта, але мне агляды гэтыя кладуць на стол.