Беларусы Канады запісалі песню і знялі кліп у падтрымку абаронцаў Курапатаў. Навіну праз свой фэйсбук паведаміла актывістка Згуртавання беларусаў Канады Валянціна Шаўчэнка.

Песню Юрыя Шаўчука, перакладзеную на беларускую мову Сяржуком Сокалавым-Воюшам, выконвае сама спадарыня Валянціна. У відэашэрагу тым часам дэманструюцца архіўныя кадры розных гадоў, якія яскрава даюць зразумець значэнне гэтай беларускай нацыянальнай трагедыі і апавядаюць пра ганебны шлях беларускай дзяржавы да годнага ўшанавання ахвяраў сталіншчыны.