Стваральнік алеі з парасонамі на Камсамольскай velcom | A1 запусціў шэрынг парасонаў у Мінску.

Зараз любы мінак можа бясплатна скарыстацца «камфортным парасонам» у выпадку непагадзі, а затым падзяліцца з іншымі, піша «Новы Час».

Механіка шэрынгу простая: парасон можна ўзяць у спецыяльных кошыках або проста знайсці ў горадзе, а калі надвор’е палепшыцца, пакінуць на бачным месцы — напрыклад, ля ўваходу ў кафэ, на станцыю метро, ​​каля аўтобуснага прыпынку, на лаўцы. Схема нагадвае аналагічныя сэрвісы арэнды самаката або аўто. Адрозненне ў тым, што за парасоны не трэба плаціць, а карыстацца імі можна ў безлімітным рэжыме. Калі надвор’е пачне капрызіць зноў, пакінуты парасон дапаможа іншаму мінаку. Пры гэтым парасоны можна выкарыстоўваць не толькі як сховішча ад дажджу, але і як яркі аксэсуар для стыльных сэлфі, а фатаграфіі пазначаць хэштэгам #комфортныйзонтик.

У шэрынгу ўдзельнічаюць парасоны трох колераў: белага, чырвонага і жоўтага. У горадзе іх лёгка пазнаць па надпісе «Камфортны парасон». Часовыя кошыкі з парасонамі для шэрынгу размясцілі на «Камфортнай алеі» па вуліцы Камсамольскай і ля ўваходу ў цэнтр продажаў velcom | А1 па адрасе вул. Інтэрнацыянальная, 36-2.

Ад сёння ў Мінску можна бясплатна браць у карыстанне парасоны

«Запуск нашага шэрынгу парасонаў — гэта першы крок на шляху да таго, каб ідэя даступнага ўсім без выключэння пракату стала часткай сацыяльнага жыцця Мінска. Мы ўпэўненыя, што гэтая актыўнасць прыйдзецца даспадобы гараджанам і дазволіць зрабіць наш горад камфортнейшым, ярчэйшым і прыязнейшым ва ўмовах непрадказальнага надвор’я. Акрамя таго, запрашаем далучыцца да далейшага развіцця ідэі ўсіх зацікаўленых. Каб шэрынг стаў часткай гарадской інфраструктуры, неабходны актыўны ўдзел і цікавасць як саміх мінчан, так і ўласнікаў бізнесу: кафэ, магазінаў і іншых грамадскіх устаноў. Спадзяемся, што наш прыклад у будучыні трансфармуецца ў вялікі праект, які зробіць жыццё гараджан яшчэ больш камфортным», — адзначыў начальнік аддзела карпаратыўных камунікацый velcom | A1 Мікалай Брэдзелеў.

Ад сёння ў Мінску можна бясплатна браць у карыстанне парасоны

Больш за 100 «камфортных парасонаў» ужо «шпацыруюць» па Мінску, а ўжо праз тыдзень іх колькасць ўзрасце амаль да 300: дададуцца тыя, якія зараз упрыгожваюць вуліцу Камсамольскую. Саму «камфортную алею» можна будзе наведаць да 21 ліпеня ўключна.