Шкатулка "Кёнігзберг" з выявамі каралеўскага палацу і герба горада. Фота – Васіль Малчанаў/Белсат

Бурштынавы кракадзіл і конь, прыгожыя вазоны, скрынкі і шкатулкі, а таксама каштоўны камень вагаю ў адзін кілаграм, – гэта толькі маленькая частка таго, што можна пабачыць на новай выставе ў Горадні.

Выстава «Золата Балтыкі» упершыню ў Беларусь прывёз Калінінградскі музей бурштыну, паведамляе Белсат.

Пачынаючы са старажытных часоў бурштын лічыўся каштоўным каменем, якім упрыгожвалі сябе ўладары старажытных імперыяў. У Калінінградскай вобласці знаходзіцца самае вялікае радовішча бурштыну ў свеце – больш за 80 % сусветных запасаў.

На адкрыцці выставы пра гісторыю каменя распавяла загадчыца выставачнага аддзелу Калінінградскага музею бурштыну Лысова Таццяна Ігараўна. Як аказалася, бурштын – гэта закамянелая смала старажытных іглічных дрэваў, якія раслі 50–45 мільёнаў гадоў таму на тэрыторыі сучаснага Балтыйскага мора і на поўдні Скандынаўскай паўвыспы.

«Калі вага бурштыну сягае 300 грамаў, то ўжо гэты камень лічыцца ўнікальным і вельмі каштоўным. Мы да вас прывезлі бурштын вагаю 1 кілаграм. Агулам у свеце ёсць 6 відаў бурштыну, але менавіта Балтыйскі – самы моцны і самы прыгожы, за кошт шматлікіх залацістых адценняў, якімі не могуць пахваліцца радовішчы ў той жа Японіі ці Мексіцы. Таму яшчэ 6000 гадоў таму нашыя продкі верылі ў містычныя ўласцівасці бурштыну. Дарэчы ў больш познія старажытныя часы, акрамя «ядвабнага», існаваў «бурштынавы шлях» з самога Рыму да Балтыкі.

Унікальныя бурштынавыя вырабы ўпершыню прывезлі ў Беларусь
Скульптура “Святы Ёдокус”, навуковая рэканструкцыя вырабу 17 ст. Фота – Васіль Малчанаў/Белсат
Унікальныя бурштынавыя вырабы ўпершыню прывезлі ў Беларусь
Бурштынавы кракадзіл. Фота – Васіль Малчанаў/Белсат
Унікальныя бурштынавыя вырабы ўпершыню прывезлі ў Беларусь
Шкатулка “Кёнігзберг” з выявамі каралеўскага палацу і герба горада. Фота – Васіль Малчанаў/Белсат
Унікальныя бурштынавыя вырабы ўпершыню прывезлі ў Беларусь
Посуд для ікры з бурштыну.Фота – Васіль Малчанаў/Белсат
Унікальныя бурштынавыя вырабы ўпершыню прывезлі ў Беларусь
Скульптура на выставе “Золата Балтыкі”. Фота – Васіль Малчанаў/Белсат

Выставу «Золата Балтыкі» можна паглядзець у Музеі рэлігіі ў Горадні да 8 кастрычніка.