Фота з сайта euroradio.fm
Фота з сайта euroradio.fm

Федэрацыя прафсаюзаў Беларусі выпусціла ўласную кілбасу з «прымальнай палітыкай коштаўтварэння».

Сервелат «Прафсаюзны» робяць на Мёрскім мясакамбінаце, піша сайт praca-by.info.

Кіраўніцтва ФПБ разаслала нізавым арганізацыям ліст, у якім рэкамендуе ўвесці гэты сервелат у меню кожнай сталовай, турбазы і санаторыя.

У лісце адзначаецца, што гэты прадукт мае «высокія арганалептычныя якасці і прымальную палітыку коштаўтварэння, бо выпускаецца з прадастаўленнем зніжкі «ад вытворцы». Прывабным кілбасу робіць, на думку прафсаюзаў, «пазіцыянаванне беларускага арнаменту і яднанне працоўнага калектыву».

Гэты ліст, спушчаны ўніз па вертыкалі прафсаюзных арганізацый, «носіць рэкамендацыйны характар», паведамляе сайт praca-by.info.