Анлайн-дадатак да газеты
"Народная Воля"

14:00 9 студзеня 2018
210
Памер шрыфта
Фота з сайта mogilev.by

Балельшчык, які павінен барысаўскаму футбольнаму клубу БАТЭ 5 тысяч еўра, распавёў “Народнай Волі” пра тое, як збіраецца выплочваць гэтую суму.

Нагадаем, што падчас матча Лігі Еўропы паміж БАТЭ і лонданскім “Арсеналам” на поле “Барысаў-Арэны” выбег хлопец з бел-чырвона-белым сцягам. Ахова стадыёна затрымала яго і вывела з поля.

Пазней суд Барысаўскага раёна асудзіў жыхара Вілейкі Аляксандра Вянгерскага на 10 сутак адміністрацыйнага арышту за дробнае хуліганства і “непадпарадкаванне законнаму патрабаванню службовай асобы”, а БАТЭ атрымаў ад УЕФА за ўчынак балельшчыка штраф у памеры 5 тысяч еўра.

У выніку БАТЭ вырашыў падаць на Вянгерскага ў суд “рэгрэсіўны іск”, каб спагнаць гэтыя грошы, якія клуб збіраецца аддаць “на дабрачыннасць”.

Зараз стала вядома, што суд Вілейскага раёна задаволіў іск футбольнага клуба да балельшчыка ў поўным аб’ёме — Аляксандр Вянгерскі павінен заплаціць БАТЭ 5 тысяч еўра.

— Прадказальнае рашэнне, — распавядае Аляксандр. — Я таму і з’ехаў напрыканцы мінулага году за мяжу на заробкі. Па-ранейшаму знаходжуся не ў Беларусі, мне трэба зарабіць 5 тысяч еўра. Але, як ужо казаў, не збіраюся іх аддаваць БАТЭ, а перадам у дзіцячы дом ад свайго імя. Барысаўскі клуб мог бы хаця б слова сказаць у абарону свайго балельшчыка, але ў яго, відаць, іншая пазіцыя. У такім выпадку ў мяне — свая.

— А як быць з судовым рашэннем?

— Паўтаруся, не буду нічога выплочваць футбольнаму клубу. Няхай вылічваюць грошы з маіх заробкаў, яшчэ нейкім чынам спаганяюць…

— Дзе вы зараз працуеце, калі не сакрэт? Чым займаецеся?

— Пра краіну, у якой знаходжуся, не хацеў бы казаць, а працую вадзіцелем, езджу па Еўропе. У месяц “чыстымі” атрымліваецца дзесьці 1200-1300 еўра, таму неабходную суму для дзіцячага дома праз некалькі месяцаў можна лёгка назбіраць. Думаю, за 5-6 месяцаў гэта ўдасца зрабіць, калі з працай не ўзнікне складанасцей.

— Пасля гэтага вернецеся ў Беларусь?

— Абавязкова. Калі я чытаю на форумах, што, маўляў, Аляксандр Вянгерскі выбег з бел-чырвона-белым сцягам на футбольнае поле толькі дзеля таго, каб прапіярыць сябе і з’ехаць за мяжу, то мне проста становіцца смешна. Ніякі палітычны прытулак прасіць я не збіраюся. Калі б было такое жаданне, то мог бы зрабіць гэта яшчэ раней.

Тэмы:,
Каб мець магчымасць прачытаць цікавыя і актуальныя артыкулы, купляйце PDF-версію газеты!
Хуткая аплата праз смс-сервіс

Чытайце таксама

29 верасня 2017

Болельщика, выбежавшего на поле во время матча БАТЭ — «Арсенал» с БЧБ флагом, будут судить

В суде Борисовского района 29 сентября состоится суд над болельщиком, выбежавшим на поле во время матча БАТЭ — «Арсенал» с бело-красно-белым флагом.
19 верасня 2017

ФК БАТЭ прадказальна выйграў у «Іслачы» — 2:0

18 верасня адбыўся апошні матч 22-га тура чэмпіянату Беларусі па футболе.

Чемпионат по зимнему плаванию проходит в Минске

17 января в Минске на реке Свислочь стартовал открытый чемпионат Беларуси по спортивному зимнему плаванию "Минск Опен" — III этап Кубка мира IWSA World Cup.