Анлайн-дадатак да газеты
"Народная Воля"

Міжнародныя рэзервовыя актывы Беларусі на 1 снежня 2017 года, згодна з папярэднімі звесткамі, склалі 7 млрд 413,7 млн долараў ЗША, павялічыўшыся за лістапад на 18,4 млн долараў, або на 0,2%, пасля росту ў кастрычніку на 128,6 млн (1,8%).
10:29 7 снежня 2017
25
Памер шрыфта
Фота з сайта Радыё Рацыя

Такім чынам, паведамляе Нацыянальны банк, за студзень—лістапад прырост рэзерваў склаў 2 млрд 486,5 млн долараў ЗША (50,5%).

Як растлумачыў рэгулятар, павелічэнню міжнародных рэзервовых актываў у лістападзе спрыяла паступленне замежнай валют бюджэт, у тым ліку ад збірання экспартных пошлін на нафту і нафтапрадукты, а таксама паступленне сродкаў ад продажу Нацбанкам і Міністэрствам фінансаў аблігацый, намінаваных у замежнай валюце. Станоўчы ўплыў на ўзровень рэзерваў таксама зрабіла павелічэнне кошту манетарнага золата.

Урадам і Нацыянальным банкам у лістападзе выкананае знешніх і ўнутраных абавязацельстваў у замежнай валюце на 314 млн долараў ЗША.

У 2016 годзе золатавалютныя рэзервы Беларусі ў вызначэнні стандарту МВФ павялічыліся на 751 млн долараў ЗША (18%) і склалі 4 млрд 927,2 млн долараў ЗША (у эквіваленце) на 1 студзеня 2017 года. Асноўнымі напрамкамі грашова-крэдытнай палітыкі на 2017 год прадугледжаны рост золатавалютных рэзерваў не менш як на 500 млн долараў ЗША.

Раней Нацбанк заяўляў, што мінімальны ўзровень рэзерваў, на які варта арыентавацца Беларусі ў будучыні, — 10 млрд долараў. Такі ўзровень задавальняў бы міжнародныя рэйтынгавыя агенцтвы, крэдытораў і дазваляў бы краіне пазычаць сродкі на знешніх рынках капіталу на больш выгадных умовах.

Кіраўнік Нацбанка Павел Калаур у кастрычніку выказаў журналістам меркаванне, што ў будучыні рэальна давесці золатавалютныя рэзервы краіны да 10 млрд долараў. «Паводле нашых ацэнак, абсалютна рэальна папаўняць рэзервы за кошт прыцягнення на ўнутраным рынку замежнай валюты на 1-1,5 млрд долараў у год», — сказаў ён.

Разам з тым беларускія эканамісты звяртаюць увагу на рызыкі, якія могуць перашкодзіць выкананню задачы па павелічэнні золатавалютных рэзерваў. «Асноўныя крыніцы прытоку замежнай валюты ў краіну схільныя да рознага роду рызык. Не сакрэт, што беларускі экспарт моцна канцэнтраваны і ў асноўным арыентаваны на Расію. Падзенне валютнай выручкі ў 2015—2016 гады паказала, што можа адбывацца ў Беларусі, калі ў расійскай эканоміцы няўпраўка», — адзначыла раней у каментары БелаПАН акадэмічны дырэктар Беларускага эканамічнага даследча-адукацыйнага цэнтра (BEROC) Кацярына Барнукова.

Эксперт таксама канстатавала, што дынаміка ЗВР залежыць не толькі ад валютных паступленняў, але і ад расходаў.

Крынiца: БелаПАН
Тэмы:, , ,
Каб мець магчымасць прачытаць цікавыя і актуальныя артыкулы, купляйце PDF-версію газеты!
Хуткая аплата праз смс-сервіс

Чытайце таксама

8 снежня 2017

Доллар вне закона?

Слышали? Каждый из коммерческих банков обязан часть своих денежных ресурсов перечислять Национальному банку в фонд обязательных резервов (ФОР).
8 снежня 2017

Сістэма аплаты працы банкіраў будзе перагледжаная

Камерцыйныя банкі перагледзяць унутраную сістэму ўзнагароджання работнікаў.
7 снежня 2017

Будут ли белорусы штурмовать обменники перед Новым годом?

Объем чистой продажи валюты белорусами снизился почти вдвое. Неужели иссякли заначки?