Улады Самалі заявілі, што выбух, які адбыўся ў суботу 14 кастрычніка, з’яўляецца «самым магутным і смяротным» за ўсю гісторыю Самалі. Міністр інфармацыі краіны Абдырахман Асман паведаміў у Twitter, што колькасць ахвяраў узрасла да 76 чалавек, перадае партал tut.by.
Тэрарыстычная атака адбылася на адной з галоўных вуліц горада – у гэтым раёне знаходзяцца будынкі міністэрстваў.
Мясцовая муніцыпальная медыцынская служба Aamin Ambulance напісала ў сваім Твітары, што «за дзесяць гадоў вопыту ў якасці службы хуткай дапамогі ў Магадзіша мы не бачылі нічога падобнага».
На відэа з месца здарэння – разарваныя металічныя корпусы аўтамабіляў, разбураныя будынкі і слупы чорнага дыму. Па вуліцах ходзяць людзі з аўтаматамі, разбіраючы завалы і дапамагаючы параненым.
Прэзідэнт Махамед Абдулахі Махамед абвясціў трохдзённую жалобу ў краіне. Таксама кіраўнік дзяржавы далучыўся да акцыі па здачы крыві ў мясцовай клініцы, заклікаўшы суграмадзян дапамагчы пацярпелым.
Пад покрывам ночы выратавальнікі з ліхтарыкамі шукалі тых, хто выжыў пад заваламі на месцы практычна цалкам разбуранага гатэля «Сафары», размешчанага непадалёк ад міністэрства замежных спраў Самалі.
Урад Самалі абвінавачвае ў тэракце тэрарыстычную групоўка “Аш-Шабаб”.
Аднак ні адна тэрарыстычная арганізацыя пакуль не ўзяла на сябе адказнасць за адбылася трагедыю.
ААН назвала тэрарыстычную атаку ў Магадзіша «агіднай», а колькасць загінуўшых у ёй людзей «беспрэцэдэнтным».
Самалі лічыцца адной з самых неспакойных краін свету. У гэтай усходнеафрыканскай рэспубліцы ідзе няспынная грамадзянская вайна паміж некалькімі ісламісцкімі групоўкамі і ўрадам. Толькі за 2017 год у Самалі адбылося больш за 10 тэрактаў.
