Анлайн-дадатак да газеты
"Народная Воля"

6 кастрычніка ў судзе Маскоўскага раёна г. Мінска адбыўся суд па скарзе актывістаў Моладзі БНФ на Мінгарвыканкам наконт забароны правядзення святочнага шэсця 25 жніўня. Нагадваем, што тады мясцовыя ўлады дазволілі толькі мітынг у парку на плошчы Бангалор.
19:07 7 кастрычнiка 2017
125
Памер шрыфта
Фота borisov-e.info

На судзе прысутнічала двое з чатырох заяўнікаў на дэманстрацыю 25 жніўня: кіраўнік мінскай гарадской арганізацыі МБНФ Багдан Сакалоў і актывіст МБНФ Ягор Сяргіенка. Бок Мінгарвыканкама прадстаўляў начальнік адзела па грамадска-масавай рабоце і моладзевай палітыцы Юры Уральскі.

Актывісты ў судзе аспрэчвалі не толькі забарону на шэсце 25 жніўня гэтага года, але і канстытуцыйнасць закона аб масавых мерапрыемствах. Паседжанне прайшло спакойна і даволі хутка. Бок заяўнікаў апеляваў да артыкулаў Канстытуцыі Рэспублікі Беларусь, якія гарантуюць свабоду мірных сходаў, а таксама адпаведных міжнародных пактаў, якія ратыфікаваны нашай краінай. Бок выканкама, у сваю чаргу, спасылаўся на закон аб масавых мерапрыемствах. Падчас паседжання адказчык аргументаваў, што месца збору каля кінатэатра «Кастрычнік» забаронена законам: паводле п.3 арт. 9 закона аб масавых мерапрыемствах – правядзенне акцый забараняецца ў адлегласці менш за 200 метраў ад станцыі метро. Хаця ў апошнія гады менавіта гэтая пляцоўка і з’яўляецца месцам збору прадстаўнікоў апазіцыйных актывістаў на Дзень Волі і Чарнобыльскі Шлях, якія даволі часта дазваляе сам жа Мінгарвыканкам.

У выніку суд адхіліў скаргу, бо рашэнне Мінгарвыканкама адпавядае закону аб масавых мерапрыемствах. А па справе антыканстытуцыйнасці закона аб масавых мерапрыемствах спыніць разгляд па прычыне таго, што раённы суд не мае кампетэнцыю разглядаць такія справы.

Сітуацыю па судзе і перспектывы дадзенай справы пракаментаваў старшыня МБНФ Юрась Лукашэвіч.

Ці згодны вы з рашэннем суда? Ці можна сказаць, што актывістамі было ўсё зроблена беспамылкова?

Безумоўна, з нашага боку былі памылкі, але рашэнне беларускага суда па вызначэнні не можа быць справядлівым, бо судоў проста не «існуе». Мы так і не атрымалі адказы на свае пытанні, хоць іх было дастаткова.

Ці будзе МБНФ далей абскарджваць рашэнне суда?
Абскарджанне будзе пасля таго як мы атрымаем матывіровачную частку, разам з юрыстамі сядзем і падумаем, як лепш пабудаваць сваю абарону.

І ўсё ж такі, прасцей узгадняць мерапрыемствы ці рабіць іх несанкцыянавана? І як вы лічыце – пагоршыцца ці палепшыцца сітуацыя, калі прымуць новыя змены ў закон аб масавых мерапрыемствах?

Наконт узгадняць ці не — складанае пытанне. З аднаго боку ўзгадніць амаль немагчыма, чапляюцца практычна за ўсё, хаця можна проста запрасіць і разам калі што выправіць. З іншага боку, запрашаць людзей на несанкцыянаваную акцыю азначае падставіць іх на штрафы, суткі і выключэнні. Таму рабіць такое кожны раз таксама не выпадае. Наконт магчымых змен, то умовы хутчэй пагоршацца, чым палепшацца. Не павінна быць увогуле такога, што існуе ў нас цяпер. Павінен проста дзейнічаць паведамляльны прынцып на любое месца (акрамя некаторых выключаных) – і ўсё.

Каб мець магчымасць прачытаць цікавыя і актуальныя артыкулы, купляйце PDF-версію газеты!
Хуткая аплата праз смс-сервіс

Чытайце таксама

Лукашенко – соседям Беларуси: АЭС мы все равно построим, как бы кому не хотелось

Президент Беларуси Александр Лукашенко заявил 13 декабря на съезде ученых в Минске, что Минск не откажется от строительства АЭС, несмотря на недовольство некоторых стран-соседей.

3 минуты на агитацию: кандидатов на местных выборах не пустят в живой эфир

В ЦИК отметили,что стоимость одной минуты на радио «Минск» — 57 рублей, то есть три минуты выступления кандидата в депутаты обойдется в 171 рубль.  
13 снежня 2017

Сергей Возняк: «Собрать 150 подписей – легко! Деньги на это точно не нужны!»

Активист движения «Говори правду» и член партии «Справедливый свет» Сергей Возняк включился в борьбу за место в Минском горсовете. Он зарегистрировал свою инициативную группу и уже начал сбор подписей