Салігорскі “Шахцёр” выйшаў у лідары футбольнага чэмпіянату Беларусі

14

У дамашнім паядынку 23-га тура з адным з аўтсайдараў першынства “Іслаччу” гарнякі перамаглі з буйным лікам 4:0. Мінскія дынамаўцы ў гасцявым матчы з брэсцкім “Дынама” ўступілі з мінімальным рэзультатам – 0:1. Барысаўскі БАТЭ, які ідзе трэцім, на сваім полі разграміў “Слуцк” – 6:0. У гэтай сустрэчы хет-трык аформіў лідар атак барысаўчан Міхаіл Гардзяйчук, які з 14 галамі ўзначальвае бамбардзірскую гонку.

Рэзультаты астатніх сустрэч 23-га тура: “Гомель” – “Днепр” (Магілёў) – 0:0, “Славія” (Мазыр) – “Крумкачы” (Мінск) – 3:1, “Мінск” – “Віцебск” – 0:0, “Гарадзея” – “Нафтан” (Наваполацк) – 2:0, “Нёман” (Гродна) – “Тарпеда-БелАЗ” (Жодзіна) – 0:1.

Становішча ў групе лідараў: “Шахцёр” – 53 ачкі (розніца мячоў – 39-13), “Дынама” (Мінск) – 52 (33-12), БАТЭ – 51 (44-11). Унізе турнірнай табліцы па-ранейшаму “Іслач” і “Нафтан”, у якіх па 8 заліковых балаў.

У 24-м туры сустракаюцца:

29 верасня – “Іслач” – “Славія”, “Віцебск” – “Дынама” (Брэст);

30 верасня – “Крумкачы” – “Нёман”, “Нафтан” – “Гомель”, “Днепр” – “Мінск”;

1 кастрычніка – “Дынама” (Мінск) – БАТЭ, “Слуцк” – “Шахцёр”, “Тарпеда-БелАЗ” – “Гарадзея”.


Няма запісаў для адлюстравання