Грыбнік з Магілёва знойдзены мёртвым у прыгарадным лесе

21

Як паведаміў БелаПАН афіцыйны прадстаўнік УУС Магілёўскага аблвыканкама Дзмітрый Ігнатовіч, 16 верасня ў 12.00 68-гадовы пенсіянер з Магілёва і яго сваякі прыехалі ў лес на аўтамашыне.

Мужчына знік. Родныя доўга яго шукалі самі, а потым патэлефанавалі ў міліцыю. Прыкладна ў 17.30 на труп пенсіянера без бачных прыкмет гвалтоўнай смерці натыкнуліся іншыя грыбнікі, якія дапамагалі ў пошуках. Вядома, што ў магілёўца было хворае сэрца“, — паведаміў Ігнатовіч.

Ён таксама расказаў, што ўжо пятыя суткі паблізу вёскі Залессе Магілёўскага раёна ідуць пошукі 70-гадовага магілёўца Дзмітрыя Нікіценкі. Раніцай 14 верасня ён пайшоў са свайго дачнага дома ў садовым таварыстве “Залессе” ў грыбы і дадому не вярнуўся. “Вядома, што лес ён ведае добра, аднак пры ім няма мабільнага тэлефона. Апрануты ён у вопратку камуфляванага колеру. Кідкай прыкметай з’яўляецца толькі сіняе вядро, якое ён узяў з сабой“, — сказаў прадстаўнік УУС.

Усяго, паводле даных абласной міліцыі, з пачатку года ў лясах Магілёўшчыны згубіліся больш за 20 чалавек. Большасць заблукалых грыбнікоў часцей за ўсё атрымоўваецца своечасова знайсці, аднак дагэтуль застаюцца не знойдзенымі акрамя Нікіценкі жанчына 1926 года нараджэння ў Бабруйскім раёне і мужчына 1956 года нараджэння ў Чэрыкаўскім раёне. Яны згубіліся ў лесе 1 верасня і 29 ліпеня адпаведна.

Поделиться ссылкой: