Анлайн-дадатак да газеты
"Народная Воля"

Кіраўнік незалежнага прафсаюза радыёэлектроннай прамысловасці распавёў сайту “Народнай Волі”, як ідзе расследаванне справы аб нявыплаце падаткаў адказнымі асобамі РЭП.
18:23 18 верасня 2017
710
Памер шрыфта
Фота: euroradio.fm

– На сённяшні дзень я па-ранейшаму застаюся ў статусе абвінавачанага па гэтай справе, – гаворыць кіраўнік незалежнага прафсаюза Генадзь Фядыніч. – Скажу шчыра, адразу пасля таго, як была ўзбуджана гэтая справа, я быў вымушаны даць падпіску пра неразгалошванне яе матэрыялаў. Адзінае, што магу сказаць: за час ад пачатку жніўня, калі ўсё здарылася, мяне ні разу не выклікалі на допыты. Я наведваў праваахоўнікаў па пытанні вяртання тэхнікі, якую забралі ў нас падчас ператрусу. Дарэчы, камп’ютары пакуль так і не вярнулі.

– Нядаўна, згодна з рашэннем суда, бухгалтар вашай арганізацыі Ігар Комлік быў пакінуты пад вартай…

– На мой погляд, такое рашэнне суда негуманнае. Комлік не ўяўляе ніякай небяспекі для грамадства. Нікуды ён збягаць не планаваў і не плануе. Таму трымаць яго пад вартай няма абсалютна ніякага сэнсу. Увогуле, абвінавачанні, якія выстаўлены супраць нас за няўплату падаткаў, я не магу прызнаць. Катэгарычна! Ніводнай капейкі ў кішэню ніхто сабе не паклаў. РЭП – грамадская арганізацыя, якая рэальна адстойвае правы працоўнага чалавека. Толькі за гэты год мы дапамаглі падманутым работнікам вярнуць суму прыкладна ў паўтара мільярда недэнамінаваных рублёў. Агулам жа наша арганізацыя разглядае больш за тысячу такіх зваротаў у год. Да таго ж РЭП гучна выступіў супраць дэкрэта “аб дармаедстве”. А потым ужо з’явілася гэтая крымінальная справа…

Я не ведаю, каму і навошта яна патрэбна. Калі цытаваць аднаго вядомага ўсім чалавека, то скажу так: “Не трэба рабіць гвалт на ўсю краіну”. Абвінавачанне ў нясплаце падаткаў беспадстаўнае.

Зараз наш незалежны прафсаюз па-ранейшаму працуе ў штатным рэжыме.

Дарэчы, наколькі я ведаю, на сённяшні дзень ў Генеральную пракуратуру Беларусі і Адміністрацыю Аляксандра Лукашэнкі накіраваны лісты з патрабаваннем спыніць рэпрэсіі супраць нашага прафсаюза.

Адкрыты ліст з такім патрабаваннем адной з першых падпісала лаўрэат Нобелеўскай прэміі Святлана Алексіевіч.

Нагадаем: упраўленне дэпартамента фінансавых расследаванняў Камітэта дзяржкантролю па Мінску і Мінскай вобласці распачало гэтую крымінальную справу 1 жніўня. Генадзь Фядыніч і Ігар Комлік абвінавачваюцца па фактах ухілення ад выплаты падаткаў у асабліва буйным памеры.

Каб мець магчымасць прачытаць цікавыя і актуальныя артыкулы, купляйце PDF-версію газеты!
Хуткая аплата праз смс-сервіс

Чытайце таксама

Лукашенко – соседям Беларуси: АЭС мы все равно построим, как бы кому не хотелось

Президент Беларуси Александр Лукашенко заявил 13 декабря на съезде ученых в Минске, что Минск не откажется от строительства АЭС, несмотря на недовольство некоторых стран-соседей.

3 минуты на агитацию: кандидатов на местных выборах не пустят в живой эфир

В ЦИК отметили,что стоимость одной минуты на радио «Минск» — 57 рублей, то есть три минуты выступления кандидата в депутаты обойдется в 171 рубль.  

Сергей Возняк: «Собрать 150 подписей – легко! Деньги на это точно не нужны!»

Активист движения «Говори правду» и член партии «Справедливый свет» Сергей Возняк включился в борьбу за место в Минском горсовете. Он зарегистрировал свою инициативную группу и уже начал сбор подписей