Анлайн-дадатак да газеты
"Народная Воля"

Прыняццем пастановы аб блакаванні электраэнергіі з Беларускай АЭС, якая будуецца, літоўскі ўрад працягвае ствараць напружанасць вакол станцыі, заявіў 14 верасня на брыфінгу ў Мінску прэс-сакратар Міністэрства замежных спраў Беларусі Дзмітрый Мірончык.
13:06 14 верасня 2017
49
Памер шрыфта
Фота: google.by

Як паведамлялася раней, 13 верасня літоўскі ўрад прыняў пастанову «Аб неабходных мерах, прызначаных для абароны ад небяспечнай атамнай электрастанцыі, якую будуюць у Беларусі і якая ўяўляе пагрозу нацбяспецы, акружэнню і грамадству Літвы». Дакумент прадугледжвае шэраг мер, скіраваных на тое, каб пасля запуску АЭС у Астраўцы ў Літву не магла трапіць беларуская электраэнергія, за выключэннем той, што неабходная для забеспячэння надзейнасці энергетычнай сістэмы краіны.

Так, у 2018 годзе павінна быць дасягнутае пагадненне з Эстоніяй і Латвіяй аб прымяненні падатку на перадачу электраэнергіі трэціх краін. Акрамя таго, прадугледжана дамовіцца з Эстоніяй, Латвіяй і Польшчай аб выкарыстанні адзіных прынцыпаў, звязаных з трапляннем электраэнергіі з трэціх краін на рынак з моманту запуску БелАЭС.

«Раней літоўскі бок заяўляў, што зробіць усё для прыпынення будаўніцтва, — нагадаў Мірончык. — Пасля прыняцця плана можна канстатаваць, што нашы літоўскія партнёры ўпэўненыя ў паспяховым ўводзе электрастанцыі ў эксплуатацыю».

Учарашні дакумент літоўскага ўрада, паводле слоў прэс-сакратара МЗС, — «чарговае пацвярджэнне абранай нашай суседняй дзяржавай зусім не суседскай практыкі штучнага стварэння напружанасці вакол праекта нашай атамнай электрастанцыі». «Замест канструктыўнага дыялогу і пошуку ўзаемнай выгады нашы суседзі аддаюць перавагу вынаходзіць усё новыя меры, закліканыя прадэманстраваць іх непахіснасць і гатоўнасць да супрацьстаяння, усяляк стварыць устойлівы скандальны імідж», — дадаў Мірончык.

«Дарэчы, я не здзіўлюся, — сказаў ён, — калі найбліжэйшым часам шэраг буйных заходніх СМІ знойдуць нагоду апублікаваць шырокія матэрыялы на тэму Беларускай АЭС — натуральна, з чароўным, ледзь улоўным, літоўскім акцэнтам».

Крынiца: БелаПАН
Каб мець магчымасць прачытаць цікавыя і актуальныя артыкулы, купляйце PDF-версію газеты!
Хуткая аплата праз смс-сервіс

Чытайце таксама

БРСМ: аб’ёмы фінансавання засакрэчаны

Аляксандр Лукашэнка 11 студзеня падпісаў указ, якім уносяцца змены ў аналагічны ўказ, датаваны 2012 годам “Аб некаторых пытаннях дзяржаўнай падтрымкі грамадскага аб’яднання “Беларускі рэспубліканскі с

Гісторыя БНР: 100 год таму…

Пачатак 1918-га: падзеі пасля разгону з’езда.  

Беларусь па-ранейшаму знаходзіцца ў групе несвабодных краін

У новым рэйтынгу грамадзянскіх і палітычных свабод Беларусь па-ранейшаму знаходзіцца ў групе несвабодных краін. Апублікаваны 16 студзеня рэйтынг падрыхтаваны міжнароднай праваабарончай арганізацыяй Fr