Анлайн-дадатак да газеты
"Народная Воля"

Беларусы, як і ўсе іншыя, з 1 студзеня 2018 года павінны будуць пры перасячэнні мяжы здаваць біяметрычныя звесткі, заявіў міністр замежных спраў Украіны Павел Клімкін у інтэрв'ю агенцтву Укринформ.
11:20 14 верасня 2017
337
Памер шрыфта
Фота: google.by

«Візы як элемента арганізацыі нашай бяспекі недастаткова — наогул, але перш за ўсё з РФ — без стварэння баз біяметрычных звестак, без атрымання паведамленняў аб паездках грамадзян Расіі да нас. І, галоўнае, нам трэба таксама адсочваць перамяшчэнні расійскіх грамадзян па тэрыторыі Украіны. Толькі рэалізацыя ўсіх гэтых пунктаў дазволіць нам больш эфектыўна арганізаваць нашу бяспеку. Вядома, грамадзяне Беларусі, як і ўсе іншыя, павінны будуць пры перасячэнні мяжы здаваць біяметрычныя звесткі — гэта дакладна прапісана ў законе і з’яўляецца элементам нашай нацыянальнай бяспекі», — падкрэсліў украінскі міністр.

«Акрамя таго, мы зараз сумесна з Дзяржаўнай міграцыйнай службай і Дзяржпагранслужбай распрацоўваем канцэпцыю, якім чынам гэта будзе працаваць, і найбліжэйшым часам пра гэта паведамім», — дадаў ён.

«Я свядома не буду расказваць пра дэталі, каб загадзя не выклікаць маніпуляцый. Адзінае скажу: мы будзем выкарыстоўваць міжнародны вопыт, але, дапускаю, з больш дэталізаванымі патрабаваннямі. Гэта значыць усё, што трэба зрабіць для нацыянальнай бяспекі ў межах гэтага працэсу, мы адназначна рэалізуем», — сказаў Клімкін.

«Хачу падкрэсліць: для сяброў новыя правілы перасячэння мяжы ніякіх праблем не створаць, але для непрыяцеляў — адназначна створаць, і немалыя», — заявіў ён.

Указ аб узмацненні жорсткасці правілаў уезду ва Украіну для замежных грамадзян і асоб без грамадзянства падпісаў прэзідэнт краіны Пётр Парашэнка. З 1 студзеня 2018 года ўезд ва Украіну «замежных грамадзян, у тым ліку Расійскай Федэрацыі», магчымы толькі па біяметрычных пашпартах. Таксама іншаземцам і асобам без грамадзянства трэба будзе накіраваць папярэдняе электроннае паведамленне аб планах наведаць Украіну.

1 верасня падчас рабочай паездкі ў Харкаўскую вобласць Парашэнка растлумачыў, што новыя правілы будуць дзейнічаць для грамадзян з дзяржаў, якія ўяўляюць пагрозу для Украіны.

У гэты ж дзень прэс-сакратар МЗС Дзмітрый Мірончык заявіў, што беларускі бок чакае афіцыйнага паведамлення пра змены ў правілах ўезду ва Украіну. «Мы адсочваем дыскусію і рашэнні па пытаннях ўезду іншаземцаў, што прымаюцца ўкраінскім бокам. На гэты момант афіцыйна ўкраінскія партнёры нам ні пра што не паведамлялі. Але мы зыходзім з таго, што адпаведная інфармацыя паступіць загадзя. Абмен такой інфармацыяй прадугледжаны двухбаковым пагадненнем аб бязвізавых паездках», — адзначыў прэс-сакратар

«Пакуль з апублікаваных у СМІ паведамленняў вынікае, што дзяржаўным органам Украіны адводзяцца двух-трохмесячныя тэрміны на выпрацоўку адпаведных механізмаў. Чакаем афіцыйнага паведамлення і пры неабходнасці будзем абмяркоўваць з украінскім бокам пытанні, каб пазбегнуць узнікнення праблем у грамадзян дзвюх краін пры перасячэнні нашай агульнай мяжы», — гаворыцца ў каментары.

Варта адзначыць, што ў Беларусі біяметрычныя пашпарты грамадзянам пачнуць выдаваць 1 студзеня 2019 года.

Крынiца: БелаПАН
Тэмы:, , , , ,
Каб мець магчымасць прачытаць цікавыя і актуальныя артыкулы, купляйце PDF-версію газеты!
Хуткая аплата праз смс-сервіс

Чытайце таксама

22 лістапада 2017

Беларусь — более безопасная страна для путешественников, чем Россия и Украина

Международная компания International SOS, занимающаяся безопасностью путешественников по всему миру и оказанием им медицинской помощи, создала карту самых опасных стран для туристов в 2018 году.
20 лістапада 2017

СМИ: В Беларуси задержали директора украинского завода

Украинские СМИ сообщили еще об одном задержании гражданина Украины на территории Беларуси.
17 лістапада 2017

Кучма: Россия предлагает сделать новую границу с Украиной

Представитель Украины в трехсторонней контактной группе по урегулированию ситуации на Донбассе Леонид Кучма считает, что Россия фактически хочет создать на линии соприкосновения на Донбассе новую гран