Нечаканы пасаж прагучаў ў праграме «Гутаркі з уладыкам Паўлам» на тэлеканале «Эхо ТВ», якая выйшла ў эфір 26 жніўня, паведамляе Еўрарадыё.

Беларускі мітрапаліт раскрытыкаваў фільм «Мацільда», прысвечаны каханню паміж Мікалаем ІІ і балярынай Мацільдай Кшасінскай. Стужка стала скандальнай яшчэ да сваёй прэм’еры. 

Крытыкуючы фільм і абараняючы апошняга расійскага міператара, мітрапаліт неспадзявана выступіў у абарону і правадыра сусветнага пралетарыяту.

«Сёння паздзекваліся з Мікалая Другога, імператара, заўтра будуць паказваць, чым займаўся Уладзімір Ільіч Ленін у шалашы, чым ён займаўся ў Парыжы… Паслязаўтра іншага кіраўніка будуць паласкаць і ганьбіць… Гэта непрыемна«, — заяўляе кіраўнік Беларускай праваслаўнай царквы (на відэа з 6-й хвіліны).