Цяпер афіцыйна? За 5 км ад Шабаноў задумалі збудаваць дасьледчы ядзерны рэактар

1

 У плянах — будаўніцтва супольна з расейскай кампаніяй «Росатом» дасьледчага ядзернага рэактару і Цэнтру ядзерных дасьледаваньняў у «Соснах» — за 7 км ад Менскай кальцавой дарогі і за 5 км ад Шабаноў.

Паводле цяперашніх плянаў, трэці рэактар (першыя два — на БелАЭС) маюць запусьціць «у сярэдзіне наступнага дзесяцігодзьдзя». І калі першыя два рэактары будуць «падтрымліваць эканоміку», то трэці будзе працаваць толькі ў навуковых мэтах.

Пра пытаньні бясьпекі навуковага рэактару Кузьмін і іншыя чыноўнікі не казалі — толькі пра бясьпеку рэактараў БелАЭС. Міністар энэргетыкі Беларусі Міхаіл Міхадзюк жа заявіў, што пляцоўка пад БелАЭС «сэйсьмічна пасіўная» (у 1990-х казалі адваротнае), што «залішкаў энэргіі не бывае», а таксама што радыеактыўныя адкіды будуць захоўвацца на тэрыторыі БелАЭС першыя 10 год, пакуль будуць «астываць», а дзе далей захоўваць адкіды — яшчэ ня вырашылі.

Пра пабудову ў «Соснах» ядзернага рэактару казалі прынамсі апошнія пяць год. У «Соснах» у савецкі час дзейнічаў дасьледчы атамны рэактар ІРТ-1000 магутнасьцю да 4 МВт, у 1980-я былі створаныя мабільныя атамныя электрастанцыі «Памір», што разьмяшчаліся на колавых цягачах, маглі выпрацоўваць каля 1 МВт і нібыта маглі абслугоўвацца адным салдатам. Адна з усталёвак прайшла выпрабаваньні, але пасьля катастрофы на Чарнобыльскай АЭС абедзьве збудаваныя ўсталёўкі «Памір» былі зьнішчаныя. Ад адной ва ўнутраным дворыку інстытуту пакінулі корпус рэактару, паведамляе Радыё Свабода.

Ілюстрацыйнае фота

Поделиться ссылкой: