На першы Спас асвячаюць насенне маку, гародніну, кветкі, лекавыя зёлкі. 

Яблычны Спас — лета шась!

 

Букеты, складзеныя з кветак і морквы, выглядаюць вельмі маляўніча. Да іх маглі далучаць галінкі пладовых дрэў і вярбы. 

Яблычны Спас — лета шась!

На Гродзеншчыне да святкавання Мядовага Спаса далучаюцца католікі, хаця ў касцёльным календары такога свята няма.

Мак, асвечаны на першы Спас, круглы год выкарыстоўваўся ў гаспадарчай магіі: яго сыпалі ў калодзеж дзеля выклікання дажджу, на Купалу бараніліся ад ведзьмаў, рабілі лекі. Дапамагаў асвечаны мак і ад сурокаў, калі ўзяць трошку ў кішэню сабе ці абсыпаць карову.

 
На ўсе тры Спасы часта ладзіліся кірмашы. На гэтыя святы прыпадае пік наведвання крыніц. Акрамя звычайных ахвяраў (грошы, тэкстыль) на першы Спас ля крыніц пакідаюць кветкі і моркву, а на другі — яблыкі.

Яблычны Спас — лета шась!

Бадай што найбольш масавае пакланенне і паломніцтва да крыніцы на Макавея адбываецца ля адселенай пасля аварыі на ЧАЭС вёскі Кліны Слаўгарадскага раёна. Па неафіцыйных дадзеных, на свята Блакітную крыніцу (народныя назвы — «Сіні калодзеж» «Сіні ключ») наведваюць ад 20 да 30 тысяч чалавек. 

Паломнікі прыязджаюць напярэдадні, 13 жніўня, некаторыя застаюцца ночыць. Праходзіць некалькі службаў у капліцы, 14 жніўня — хросны ход і асвячэнне ежы. Вада ў крыніцы вельмі халодная, каля 8 градусаў. Лічыцца, што ручай, які ўтварае крыніца, трэба перайсці 3 разы (сустракаюцца таксама звесткі пра неабходнасць здзейсніць 7 ці 40 пераходаў), што паспрыяе пазбаўленню ад хвароб. 

Яблычны Спас — лета шась!

Акрамя таго, паломнікі бяруць з крыніцы для лекавання гліну і каменьчыкі, акунаюцца ў ваду, прысланяюцца да валуна побач з вадой, завязваюць на дрэвы над крыніцай стужачкі — традыцыйныя практыкі суседнічаюць з адносна і зусім новымі. Некаторыя з іх ствараюць пагрозу для экалогіі крыніцы як помніка прыроды (а яна ахоўваецца на рэспубліканскім узроўні). Дзейнічае вялікі кірмаш.

Не такое масавае пакланенне як Сіняму калодзежу на Макавей, але ўсё ж істотнае на мясцовым узроўні, праходзіць на крыніцы ў вёсцы Майскае Бялыніцкага раёна на Яблычны Спас.
Фота зроблена аўтаркай падчас першага Спаса, 14 жніўня 2017 г., на крыніцы «Сіні калодзеж» у Слаўгарадскім раёне.