У суботу будзе пераважна без ападкаў, толькі ў другой палове дня ў асобных раёнах Брэсцкай і Гродзенскай абласцей кароткачасовыя дажджы, навальніцы. Тэмпература ноччу +16 — +22°С, днём +28 — +34°С, па Брэсцкай вобласці месцамі +35°С. З-за высокай тэмпературы абвешчаны аранжавы ўзровень небяспекі, паведамляе “НН“.

У Мінску максімальная тэмпература днём +31 — +33°С.

У нядзелю, 13 жніўня, надвор’е будзе вызначаць у асноўным атмасферны фронт, што павольна перамяшчаецца з Заходняй Еўропы, які будзе паступова адціскаць спякоту на ўсход: ноччу +14 — +21°С, днём +25 — +30°С, па ўсходзе +31 — +34 ° С, у заходніх раёнах ужо +19 — +24°С. Ноччу ў асобных раёнах, днём на большай частцы Беларусі, кароткачасовыя дажджы, магчымы навальніцы.

У Мінску ў нядзелю днём будзе +25 — +27°С.

У панядзелак, 14 жніўня, ноччу і раніцай у асобных раёнах па ўсходзе краіны кароткачасовыя дажджы, днём пераважна без ападкаў. Тэмпература ноччу +10 + 17°С, па паўднёвым усходзе да + 19°С, днём +21 — +26°С.

У Мінску без істотных ападкаў. Тэмпература ноччу +13 — +15°С, днём +22 — +24°С.

Фота Сяргея Гудзіліна