“Гэты канцэрт атрымаўся зусім выпадкова, не было часу ні на нармальную падрыхтоўку, ні на рэкламную кампанію, ― распавядае лідар “Крамы Ігар Варашкевіч. ― Проста Сяргей захацеў прыехаць адпачыць у Мінску і запытаўся, ці будзе які канцэрт. Я сказаў, што мы не планавалі, але можна нешта зрабіць. І вось так, крыху імправізацыйна дамовіліся на гэты канцэрт. Спачатку будзе выступ “Крамы”, а потым Сяргей Воранаў выканае разам з намі свае чатыры песні, уключаючы “Diamond Rain”, а таксама чатыры-пяць якіх-небудзь стандартаў, перадае Еўрарадыё. Напрыканцы імпрэзы магчымы джэм”.

Праз адсутнасць рэпетыцый і недахоп часу на падрыхтоўку не плануецца, што расійскі музыка выканае і якія-небудзь “крамаўскія” песні, але такую верагоднасць Ігар Варашкевіч не адмятае. “Крама” сябруе з Сяргеем Воранавым з 1994 года, калі той “журыў” беларускіх музыкаў на маскоўскім фестывалі «Пакаленне-94«. Тады “Крама” заняла першае месца, а гітарыст гурта Сяргей Трухановіч быў прызнаны лепшым гітарыстам фестывалю.

Фота: musecube.org