Чарнобыльскі шлях-2017

Сёння ў Мінску прайшла жалобная акцыя з нагоды гадавіны аварыі на Чарнобыльскай АЭС.

17

Мерапрыемства было дазволена Мінгарвыканкам, у аргкамітэце па правядзенні мерапрыемства былі прадстаўнікі партыяў АГП, БНФ і «Зялёныя», аргкамітэта па стварэнні БХД, руха «За свабоду» і незарэгістраванага руха “Разам”, кампаніі «Гавары праўду»…

18.00

Не вельмі шмат людзей сабралася. На акцыі бачна некалькі бел-чырвона-белых сцягоў, ёсць сцяг Еўрасаюза.

18.05

Вакол месца збору людзей заўважана спецтэхніка сілавікоў, аднак нагадваем, што мерапрыемства дазволенае.

Чарнобыльскі шлях-2017

18.10

Адначасова пачынаецца мітынг у Кіеўскім скверы сталіцы, які ладзіць КХП-БНФ. Там пакуль сабралася ўсяго некалькі дзесяткаў чалавек. На мерапрыемства прыйшлі Юрась Беленькі, Лявон Баршчэўскі, Алесь Чахольскі…

Чарнобыльскі шлях-2017

18.15

“Зялёныя” правялі незвычайны перформанс – прыйшлі да кінатэатра “Кастрычнік” у форме жывёл. Яны патрабуюць спыніць будаўніцтва Астравецкай АЭС.

Чарнобыльскі шлях-2017

18.20

Людзі, якія сабраліся ля Акадэміі навук, пачалі фарміраваць калону. Па некаторых падліках, сабралася 200-300 чалавек.

18.23

Наперадзе калоны – традыцыйны “Чарнобыльскі звон” і апазіцыйныя лідары. Вельмі шмат бел-чырвона-белых сцягаў і розных транспарантаў, людзі ўжо пайшлі уздоўж праспекта.

18.30

Крыху больш стала людзей – па розных ацэнках на мерапрыемства прыйшло каля 500 чалавек.

18.32

Супрацоўнікі ДАІ сочаць, каб удзельнікі акцыі не выходзілі на праезжую частку.

Чарнобыльскі шлях-2017

18.35

Тым часам, у Кіеўскім скверы працягваецца мітынг, зараз выступае першы прамоўца – Юрась Беленькі. Ён узгадвае пра Чарнобыль, зачытвае зварот лідара КХП-БНФ Зянона Пазьняка да беларусаў.

Чарнобыльскі шлях-2017

18.40

Невялікі інцыдэнт адбыўся ў Кіеўскім скверы. Нейкі малады чалавек паспрабаваў далучыцца да мітынгоўцаў, але дружыннікі вырашылі, што, магчыма, гэта правакатар, а таму папрасілі яго пакінуць месца правядзення мерапрыемства. Хлопец так і зрабіў.

18.43

Людзі, якія ідуць у калоне, скандзіруюць “Незалежнасць!” і “Жыве Беларусь!”

Чарнобыльскі шлях-2017

18.48

Калону дэманстрантаў, якія ідуць па вуліцы Сурганава, суправаджаюць аўтазакі з сілавікамі.

Чарнобыльскі шлях-2017

18.55

Дождж, магчыма, таксама паўплываў на тое, што акцыя не вельмі шматлюдная.

Чарнобыльскі шлях-2017

19.05

“Зялёныя” нясуць шмат плакатаў, адзін з іх – “Атом мирным не бывает, это даже зебра знает”. Тое самае яны і скандзіруюць.

Чарнобыльскі шлях-2017

19.10

Калона падыходзіць да Чарнобыльскай капліцы.

19.15

У Парку Дружбы народаў удзельнікі шэсця не будуць заставацца, яны пойдуць у Кіеўскі сквер.

Чарнобыльскі шлях-2017

19.25

Калона прыйшла да Чарнобыльскай капліцы, пасля малітвы абвясцілі хвіліну маўчання па ахвярах Чарнобыля. Павел Севярынец падзякаваў усім, хто прыйшоў, каб адзначыць сумную гадавіну і абвясціў, што мерапрыемства закончана. Пры гэтым дадаў, што ўсе жадаючыя могуць пайсці у Кіеўскі сквер, каб далучыцца да яшчэ адной дазволенай гарадскімі ўладамі акцыі.

Чарнобыльскі шлях-2017

 

Чарнобыльскі шлях-2017

 

19.30

У Кіеўскім скверы працягваецца мітынг, выступоўцы распавядаюць пра наступствы Чарнобыльскай катастрофы. Тым часам, да сквера пад’ехалі некалькі аўтазакаў і аўтобусаў з сілавікамі.

19.33

“Чарнобыльскі шлях-2017” закончаны. Хтосьці адправіўся дадому, нехта вырашыў працягнуць вечар на акцыі, якую праводзіць КХП-БНФ.

Поделиться ссылкой: