Лябедзька пракаментаваў пастанову суду:

«Справа супроць мяне яўна развалілася, сьведкі-будаўнікі не змаглі прыгадаць, што я непасрэдна незаконнага зрабіў, толькі што прысутнічаў там, але не брыдкасловіў, не кідаўся пад тэхніку, не перашкаджаў працаваць. Але ўсё роўна аштрафавалі на вялікія грошы. Гэта проста рабаваньне, як рабуюць у падваротні. Мэта гэтага пакараньня — зноў назьбіраць супроць мяне штрафаў напярэдадні новых пратэставых акцыяў».

Анатоль Лябедзька зьбіраецца абскардзіць пастанову судзьдзі Вікторыі Шабуні. Напярэдадні ён сплаціў усе ранейшыя штрафы і цяпер заявіў, паведамляе “НН“,  што такія вялікія сумы для яго — гэта жах. «Штрафы — гэта не лібэралізацыя», — зазначыў палітык.

На працэсе над старшынём АГП Анатолем Лябедзькам сьведчылі работнікі «Белрэстаўрацыі» — электрык Дзмітры Сівы і аддзелачнік Анатоль Чайка.

Фота: Радыё Свабода