Анлайн-дадатак да газеты
"Народная Воля"

Увечары ў суботу людзі, што знаходзіліся ў раёне парку Чалюскінцаў у Мінску, былі агаломшаныя.
11:12 26 чэрвеня 2016
129
Памер шрыфта

Па-першае, за некалькі хвілін на праспекце Незалежнасці раптам знік увесь транспарт. Па-другое, ніхто не ведаў чаму. Усё стала зразумела толькі праз хвілін 20, калі на галоўным праспекце сталіцы з’явіліся «сімвалы абароназдольнасці дзяржавы».

Уся гэтая фанабэрыя цягнулася хвілінаў 25. Танкі, бэтээры, пяхотныя машыны, сістэма залпавага агню і шмат што яшчэ. Усё гэтае жалеззе нудотна і надакутліва грамыхала па галоўнай вуліцы Мінска пад дзяржаўнымі сцягамі багата часу. Мажныя дзецюкі сядзелі на дахах браніраваных вайсковых машын і ганарліва пазіралі на няўцямных беларусаў. «Што гэта?» — запытаўся ў аўтара гэтых радкоў сівы мужчына гадоў 90 ад веку. «Відаць, парад рыхтуюць», — адказаў я. «З якой нагоды?» — працягваў запытвацца паважаны годнага ўзросту чалавек. «Не ведаю», — шчыра адказаў я.

Потым узгадаў, што 3 ліпеня пасля лукашэнкавага плебісцыту 1996 года ў нас адзначаецца Дзень Незалежнасці. Ну, і няхай з ім.

Але ўзнікла іншае пытанне. У краіне істотна бракуе грошай. Чыноўнікі самага высокага роўню са скуры вылузваюцца, каб знайсці капейчыну для падтрымання штаноў. І вось у гэты час улада ладзіць парады. Каму і перад кім трэба выпендрывацца менавіта цяпер? Хто збіраецца нападаць на Беларусь і перад кім «драздоўшчына» гуляе цягліцамі ў выглядзе парадаў?    
Пытанне без адказу. Іншае пытанне — за кошт чаго і каго будуць рамантаваць разбітую танкамі галоўную вуліцу краіны. На пенсіі тут  грошай не хапае, на заробкі таксама. А вось на ваенныя гульбішчы ёсць. Каму гэта трэба? Ясна, каму. Дык няхай бы ён сам і аплочваў такія дарагія забавы са сваёй кішэні. Але бяззменны тутэйшы ўладатрымца прызвычаены да таго, што ён і заробак атрымлівае, і на поўным дзяржаўным забеспячэнні знаходзіцца. Дык што яму? Адной гульнёй болей. А ўсім астатнім, як той казаў, «вось толькі грошай няма, а вы трымайцеся там». І наколькі хопіць такога трымання беларусам?
А вось на рамонт спаскуджанага танкамі і бэтээрамі праспекта Незалежнасці ў Мінску спатрэбіцца багата грошай. Здагадайцеся з трох разоў, з чыёй кішэні яны будуць узятыя?
 
Аўтар: Генадзь КЕСНЕР 
Крынiца: novychas.by
Каб мець магчымасць прачытаць цікавыя і актуальныя артыкулы, купляйце PDF-версію газеты!
Хуткая аплата праз смс-сервіс

Чытайце таксама

Лукашенко: КГБ пресек получение крупнейшей в истории Беларуси взятки в размере $5 млн.

В последние годы общими усилиями компетентных служб коррупцию удалось обуздать, однако о ликвидации негативных явлений еще говорить не приходится. Об этом Александр Лукашенко заявил 15 декабря на торж

Белорусские деревни борются за выживание

Пока власти Беларуси анонсируют новый амбициозный проект под названием "Деревня будущего", жители малых населенных пунктов страны стремятся сохранить социальные объекты в своих селах.

Анатолий Павлов: “Педагогам нужно поднять зарплату как минимум в два раза”

Экс-проректор Белорусского государственного университета Анатолий Павлов рассказал “Народной Воле”, почему белорусская система образования “находится в застое”.