Анлайн-дадатак да газеты
"Народная Воля"

Як стала вядома Свабодзе, хакеіст менскага «Дынама» і зборнай Беларусі Дзьмітры Мільчакоў даводзіцца траюрадным братам расейскаму нацысту Аляксею Мільчакову. Але паміж сабой яны не кантактуюць.
12:19 6 чэрвеня 2016
83
Памер шрыфта

Пасьля нядаўняга наведваньня Беларусі камандзір атрада расейскіх нацыяналістаў «Русіч» Аляксей Мільчакоў паведаміў на сваёй старонцы ў сацыяльнай сетцы «Укантакце», што хакеіст менскага «Дынама» Дзьмітры Мільчакоў — ягоны траюрадны брат. «Яго дзед Мільчакоў Дзьмітры Сяргеевіч і мой дзед Мільчакоў Аляксей Сяргеевіч — родныя браты», — напісаў расейскі баявік.

Аляксей Мільчакоў

Свабода праз прэс-службу менскага «Дынама» атрымала пацьверджаньне гэтай інфармацыі з боку самога Дзьмітрыя Мільчакова.

«Сапраўды, частка маіх каранёў зь Піцера, — кажа Дзьмітры Мільчакоў. — У прыватнасьці, мой дзядуля, Дзьмітры Сяргеевіч Мільчакоў перажыў блякаду ў падлеткавым узросьце і прыехаў у Беларусь падымаць сучаснае пяцібор’е. Ён выхаваў чэмпіёнаў сьвету і Савецкага Саюза для нашай краіны, стаўшы заслужаным трэнэрам. Таму я ганаруся сваім дзедам».

Дзьмітры Мільчакоў адзначае, што ніколі са сваім траюрадным братам Аляксеям ня меў ніякіх зносінаў:

«Наколькі мне нядаўна стала вядома, Аляксей Мільчакоў мне даводзіцца далёкім сваяком. Я зь ім ніколі не перасякаўся і ня меў зносінаў. Мне вельмі непрыемна, што прозьвішча Мільчакоў усплывае ў такім непрывабным сьвятле. Але гэта, на жаль, зьмяніць немагчыма. У жыцьці мы ўсе выбіраем уласны шлях і адказваем кожны за свае ўчынкі. Мае — далёкія ад радыкальных», — дадаў хакеіст зборнай Беларусі ў інтэрвію Свабодзе.

Каб мець магчымасць прачытаць цікавыя і актуальныя артыкулы, купляйце PDF-версію газеты!
Хуткая аплата праз смс-сервіс

Чытайце таксама

13 снежня 2017

Виктория Азаренко получила «уайлд кард» на Australian Open

Белорусская теннисистка Виктория Азаренко получила "уайлд кард" на Открытый чемпионат Австралии, который пройдет в Мельбурне с 15 по 28 января 2018 года.
12 снежня 2017

Учреждения физической культуры и спорта освобождаются от уплаты налога на прибыль

Указанная норма вводится с 1 января и будет действовать 3 года.
12 снежня 2017

Российские олимпийцы одобрили участие в Играх под нейтральным флагом

Олимпийское собрание Олимпийского комитета России (ОКР) приняло решение об участии российских спортсменов в Олимпийских играх 2018 года в Южной Корее в нейтральном статусе.