Анлайн-дадатак да газеты
"Народная Воля"

Беларусь разлічвае на падрыхтоўку новай стратэгіі партнёрства з Сусветным банкам да наступнага года, заявіў прэм'ер-міністр Андрэй Кабякоў 1 чэрвеня на сустрэчы з віцэ-прэзідэнтам рэгіёну Еўропы і Цэнтральнай Азіі Сусветнага банка Сірылам Мюлерам.
8:15 2 чэрвеня 2016
25
Памер шрыфта
«Мы заўсёды разглядалі банк у якасці важнага і сур’ёзнага партнёра, які мае важкія інвестыцыйныя рэсурсы, самы перадавы вопыт і веды. За 20-гадовую гісторыю нашага супрацоўніцтва Беларусь атрымала значную фінансавую падтрымку Сусветнага банка ў рамках рэалізацыі сумесных праектаў. За гэты час у развіццё важных кірункаў банкам інвеставана амаль 1,5 млрд. долараў ЗША льготных крэдытных рэсурсаў», — цытуе Кабякова прэс-служба ўрада.

Прэм’ер-міністр адзначыў, што толькі за апошнія шэсць гадоў Беларусь атрымала каля 1 млрд. долараў ЗША рэсурсаў банка. Паводле яго слоў, гэта вельмі паказальныя вынікі.

Кабякоў падкрэсліў, паведамляе БелаПАН, што са свайго боку Беларусь гатова прапанаваць значны назапашаны вопыт экспертаў для канструктыўнай працы над сумеснымі праектамі і даследаваннямі. Ён выказаў упэўненасць, што ўсё гэта дазволіць падрыхтаваць да 2017 года ўзважаную і эфектыўную новую стратэгію партнёрства на найбліжэйшую перспектыву.

«У рамках выпрацаванай праграмы дзеянняў на 2016—2020 гады ўрад Рэспублікі Беларусь мае намер прытрымлівацца вызначанага курсу на забеспячэнне макраэканамічнай стабільнасці і мадэрнізацыі эканомікі. Эканамічныя пераўтварэнні ў Беларусі закрануць досыць шырокі спектр кірункаў: фарміраванне эфектыўных фінансавых рынкаў, падтрымку развіцця прыватнага сектара, ўмацаванне сістэмы сацыяльнай абароны, фарміраванне эфектыўных таварных рынкаў і рынкаў паслуг», — расказаў прэм’ер-міністр.

Кабякоў акцэнтаваў увагу, што ад Сусветнага банка Беларусь разлічвае атрымаць падтрымку ў такіх прыярытэтных кірунках, як жыллёва-камунальная і транспартная інфраструктура, развіццё лічбавай эканомікі. «Першачарговай задачай для нас становіцца рэалізацыя праектаў у сферы мадэрнізацыі сістэмы ЖКГ у мэтах забеспячэння спажыўцоў якаснымі, надзейнымі, даступнымі жыллёва-камунальнымі паслугамі», — сказаў ён.

Кабякоў адзначыў, што стратэгічна важным таксама з’яўляецца развіццё транзітнага патэнцыялу краіны. Сусветны банк ужо аказвае падтрымку ў гэтым кірунку, і Беларусь хацела б запрасіць яго да ўдзелу ў новым праекце па будаўніцтве другой узлётна-пасадачнай паласы Нацыянальнага аэрапорта.

Прэм’ер-міністр адзначыў значную ролю банка ў развіцці лічбавай эканомікі ў Беларусі. «Падпісана пагадненне па праекце мадэрнізацыі сістэмы кіравання дзяржаўнымі фінансамі. Ідзе актыўная падрыхтоўка праекта па развіцці электроннай аховы здароўя», — запэўніў Кабякоў.

Пры гэтым кіраўнік урада прапанаваў не спыняцца на гэтым і працягнуць працу ў частцы падрыхтоўкі праекта па стварэнні Нацыянальнай сістэмы беспапяровага гандлю. Таксама ён выказаў імкненне да яшчэ больш цеснага супрацоўніцтва з Сусветным банкам.

У сваю чаргу Сірыл Мюлер адзначыў, што Сусветны банк высока ацэньвае ўзровень узаемадзеяння з Рэспублікай Беларусь. Паводле яго слоў, рэалізацыя сумесных праектаў знаходзіцца на высокім узроўні.

Сірыл Мюлер наведвае Беларусь 1—2 чэрвеня. Чакаецца, што ён сустрэнецца з Аляксандрам Лукашэнкам.

Фота: government.by

Каб мець магчымасць прачытаць цікавыя і актуальныя артыкулы, купляйце PDF-версію газеты!
Хуткая аплата праз смс-сервіс

Чытайце таксама

15 снежня 2017

Госконтроль: плановых проверок с 1 января не будет. Будут выборочные

Координационные планы контрольной (надзорной) деятельности на первое и второе полугодия 2018 года формироваться не будут.
15 снежня 2017

Госпредприятия пошлют на четыре буквы

Белорусские власти прислушались к МВФ и выполняют рекомендации фонда.
15 снежня 2017

Падатковыя службы Расіі і Беларусі распрацоўваюць новы фармат абмену падатковай інфармацыяй

Федэральная падатковая служба (ФПС) Расіі і Міністэрства па падатках і зборах (МПЗ) Беларусі распрацоўваюць парадак аўтаматычнага абмену падатковай інфармацыяй па асобным абароненым канале сувязі. Гэт