Самая нізкая пенсія была ў сакавіку 1999 года – усяго $17,5! Потым, у 2000-х пайшоў павольны, але стабільны рост – і з цягам часу пенсія пераваліла за 100 баксаў. Дэвальвацыя 2009 года прыгожы графік сапсавала – памер пенсіі ўпаў недзе да 130 долараў. Затым яшчэ дэвальвацыя 2011 года, калі пенсія па “чорным” курсе апусцілася да $79,3. Нарэшце, прыйшоў самы “тлусты” час для пенсіянераў, калі памер пенсіі перавысіў 200 баксаў: самую вялікую пенсію мая маці атрымала ў лістападзе 2014 года – $230,9.

Як змяняўся памер пенсій за апошнія 20 гадоў?

Але нядоўга музыка іграла – у 2015 годзе пачаўся імклівы рост бакса, і пенсія ў лютым 2016 года знізілася да $118,7. І, мяркуючы па “поспехах” нашай унікальнай эканамічнай мадэлі, гэта яшчэ не самае дно.