Больш за тое, дадала яна, Мінск дэманструе рэкордныя тэмпы развіцця Uber — тут кампанія развіваецца хутчэй, чым гэта адбывалася ў Маскве, Рыме ці Варшаве. За чатыры месяцы, паведамляе БелаПАН, сэрвісам Uber у Мінску скарысталіся 80 тысяч чалавек, а прыкладанне спампавалі 580 тысяч карыстальнікаў.

Uber — міжнародная кампанія з Сан-Францыска, якая стварыла аднайменнае мабільнае прыкладанне для пошуку, выкліку і аплаты таксі або прыватных кіроўцаў. З дапамогай Uber заказчык можа не толькі зарэзерваваць машыну, але і адсочваць яе перасоўванне да пункту замовы. Аплата робіцца з дапамогай прывязанай да акаўнта банкаўскай карты.

У Мінску Uber пачаў працаваць у лістападзе 2015 года, прапанаваўшы карыстальнікам сваю прэміяльную платформу UberBLACK. 5 лютага 2016 гады сэрвіс запусціў у беларускай сталіцы бюджэтную версію з больш нізкімі тарыфамі UberX, неўзабаве пасля гэтага старшыня Мінгарвыканкама Андрэй Шорац даручыў праверыць працу кампаніі ў сувязі з прэтэнзіямі сталічных таксістаў з нагоды няроўных умоў працы.

У лютым транспартная інспекцыя Міністэрства транспарту і камунікацый па Мінску і Мінскай вобласці правяла мэтавыя пазапланавыя тэматычныя аператыўныя праверкі кампаній, якія займаюцца перавозкамі пасажыраў з выкарыстаннем платформы Uber. Па выніках праверак было заяўлена аб наяўнасці парушэнняў у асобных перавозчыкаў.

У адказ Uber заявіў пра масіраваную інфармацыйную кампанію па ініцыятыве гульцоў, не зацікаўленых у з’яўленні сэрвісу ў Беларусі. “Ніякіх прэтэнзій з боку транспартнай інспекцыі ў сувязі з гэтай сітуацыяй у дачыненні да платформы Uber агучана не было. Прэтэнзіі звязаныя з аперацыйнай дзейнасцю асобна ўзятых кіроўцаў”, — зазначала тады Яўгенія Шыпава, падкрэсліваючы, што кампанія працуе ў Беларусі з выкананнем нацыянальнага заканадаўства.

Аляксей Арэшка, БелаПАН.