На мерапрыемстве прысутнічалі аўтары, акцёры, музыканты J:МОРС і іншыя ўдзельнікі праекта. Праект фільма рэалізаваны дзякуючы збору сродкаў на краўдфандынгавай платформе Talaka.by.

У галоўных ролях: Алеся Грыбок, Георгій Пятрэнка, у эпізодах — Валерый Шушкевіч, Дзядзька Ваня.

Загалоўнай песняй фільма стала кампазіцыя гурту J: МОРС “Паветра”, на якую быў зняты кліп з кадрамі фільма.

Рэжысёр фільма — Яўген Лыткін, аператар — Максім Малахаў.
Вытворчасць — студыя “Чырвоны баян”.

Яўген Лыткін, рэжысёр: “У нас атрымаўся эксперымент. Мы задумалі, што мы хочам зрабіць гісторыю”.

Максім Малахаў, кіраўнік праекта: “Нягледзячы на тое, што мы першыя сабралі на беларускім краўдфандынгу грошы на кіно, спадзяёмся, што гэтая тэндэнцыя будзе паўтарацца, што фільмаў стане больш у краіне, будзем разам пераварочваць гэтую індустрыю”, цытуе БелаПАН.

Алеся Грыбок, актрыса: “Я да апошняга сумнявалася, што ў мяне нешта атрымаецца. Я прашу прабачэння ў хлопцаў за тое, што, можа быць, была не такой добрай”.

Уладзімір Пугач, лідар гурту J: Морс: “Хлопцы патэлефанавалі нам летам не з просьбай даць песню. Было сказана: хочаце кліп? Хлопцы са стрыжнем, ведаюць, чаго хочуць. Яны прыдумалі зняць кіно, у іх няма грошай, але яны дакладна ведаюць, што яны здымуць нам кліп. І гэта крута!”.

Алеся Грыбок, актрыса: “Мне хацелася расказаць пра іншае: пра слабага чалавека. Напэўна, для гэтага таксама трэба мець нейкую сілу, каб здолець расказаць пра тое, што ты слабы”.

Фота: talaka.by