Анлайн-дадатак да газеты
"Народная Воля"

Ідыёлагі распачалі «крыжовы» паход супраць нацыяльных сімвалаў беларусаў.
9:18 12 лістапада 2015
687
Памер шрыфта

Праўладныя навукоўцы выказалі сваё зняважлівае стаўленне да герба «Пагоня» і бел-чырвона-белага сцяга.

—Сімволіка, звязаная з БНР, калабарантамі і перыядам пачатку 1990-х — гэта сімволіка няўдачнікаў. Тых, хто не змог пераканаць беларускі народ і даказаць сваю здольнасць у дзяржаўным кіраванні. Гэта сімвалы лузераў. – заявіў падчас круглага стала ў Акадэміі кіравання навуковы супрацоўнік Інстытута філасофіі НАН Аляксей Дзермант.

Чаму ідыёлагі зневажаюць нацыянальныя сімвалы?

— Гэта звязана з тым, што нацыянальная сімволіка вельмі пашырылася сярод моладзі, — лічыць старшыня Таварыства беларускае мовы (ТБМ) Алег Трусаў. — Такой папулярнасці ў герба «Пагоня» не было нават тады, калі ён быў дзяржаўным.

Кандыдат гістарычных навук адзначае, што ўлады вельмі непакоіць гэтая сітуацыя.

— Новая хваля вельмі шырокая. Пад гістарычнай сімволікай цяперашнюю ўладу могуць адправіць на пенсію, — гаворыць гісторык.

Ён нагадвае, што існуючыя дзяржаўныя сімвалы зроблены з парушэннем законаў геральдыкі, а рэферэндум, на якім яны былі зацверджаны, прайшоў незаконна.

—На гербе, калі за яго галасавалі на рэферэндуме, не было чырвонай зоркі. Яе падмалявалі потым, — гаворыць эксперт.

Паводле ягоных словаў, калі рабілі дзяржаўны сцяг, то пераблыталі арнамент.

—Гэты арнамент — знак смерці, а не жыцця. Вельмі смешна і недарэчна. Нават калі б яны бусла ўзялі ці зубра, было б лепш. Бо зараз гэтая сістэма прыходзіць у заняпад, — падкрэслівае старшыня ТБМ.

Экс-дэпутат парламента лічыць, што зараз у Адміністрацыі прэзідэнта прыкладна палова чыноўнікаў-прыхільнікі рэформаў, вяртання сімволікі, беларускай мовы.

Ёсць унутры ўлады, на думку эксперта, таксама партыя, якая хоча інкарпарацыі Беларусі ў Расею.

— Хто пераможа – цяжка сказаць, гэта роўныя сілы. Лукашэнка сам не ведае, што рабіць, да якой партыі прымкнуць. Бо і ў адной кепска, і ў другой небяспечна, — адзначае Алег Трусаў.

Фото: Вадим Замировский, TUT.by

Каб мець магчымасць прачытаць цікавыя і актуальныя артыкулы, купляйце PDF-версію газеты!
Хуткая аплата праз смс-сервіс

Чытайце таксама

Лукашенко: решение направить главу МИД в Брюссель было принято задолго до саммита

Решение направить в Брюссель главу МИД Владимира Макея было принято задолго до саммита "Восточного партнерства".
24 лістапада 2017

Макей: Базавае пагадненне аб партнёрстве ў Беларусі з ЕС будзе рана ці позна

Базавае пагадненне аб партнёрстве паміж Беларуссю і Еўрасаюзам будзе рана ці позна, заявіў міністр замежных спраў Беларусі Уладзімір Макей 24 лістапада журналістам у Бруселі перад пачаткам саміту Усхо
24 лістапада 2017

«Это маленький прорыв». В состав Брестской областной избирательной комиссии вошел представитель оппозиции

В облизбирком по выборам депутатов в местные Советы депутатов 28 созыва избрана Мария Волкова, член Белорусской партии левых «Справедиливый мир».