Улаховіч пасля галасавання: Пераможа Лукашэнка, але я таксама перамог

5

Пасля галасавання Улаховіч даў імправізаваную прэс-канферэнцыю, піша “Наша Ніва”.

На пытанне, на які вынік ён разлічвае, «атаман» адказаў так:

«Працэнт мяне не цікавіць. Лічу, што мы і так перамаглі – паказалі, што ёсць казацтва. Яшчэ адна вялікая перамога – тое што няма Крыма, шуму, гаму. Няма Плошчы. Гэта першыя выбары, якія праходзяць мірна і спакойна».

Потым ён трошкі ўдакладніў:

«Працэнт мяне не цікавіць, бо мой электарат застанецца са мной. Ці вы думаеце, што я такі наіўны і не разумею, хто ў нас чалавек, які ў палітыцы 20 гадоў? Электарат яго слабейшы за мой? Не, вядома. Таму я перамог – перамог сябе, перамог тым, што рашыўся на гэты крок. Я ішоў за перамогай».

 

Улаховіч пасля галасавання: Пераможа Лукашэнка, але я таксама перамог

Таксама «атаман» зрабіў свой эканамічны прагноз:

«Нам трэба перажыць эканамічны крызіс. Ён працягнецца 2 гады, потым будзе пад’ём».

Надзвычай высокая яўка на датэрміновае галасаванне яго не палохае.

«Не трэба гэтага баяцца. У ЗША і па 40% так галасуе. А тут жа ўсе студэнты [участак знаходзіцца ў студэнцкім інтэрнаце – рэд.]. Ну захацелі людзі дамоў паехаць».

Улаховіч сказаў, што плануе «застацца ў палітыцы» – будзе ўдзельнічаць у парламенцкіх выбарах.

Не абышлося і без абмеркавання моўнага пытання.

«Я ненавіджу тых, хто хоча моднічаць мовай і цягне яе ў палітыку. Так нельга. У нас двухмоўе, усё нармальна».

Улаховіч пасля галасавання: Пераможа Лукашэнка, але я таксама перамог

За каго галасаваў, Улаховіч так і не прызнаўся. Але паведаміў сваю мадэль нараджэння канкурэнта для Лукашэнкі.

«Лукашэнка пераможа, я не сумняваюся. Такога палітыка перамагчы – пакуль не вырасла яму замена. Я буду працаваць на будучыню. Хачу, каб у нашага прэзідэнта былі пераемнікі. А пераемнікам я бачу толькі партыю. Пачнецца партыйнае будаўніцтва, у прэзідэнта будзе свая партыя, ці тая, якую ён абярэ, і яна ў далейшым народзіць новага чалавека, новага прэзідэнта».

Поделиться ссылкой: