Беларуская чыгунка павялічыла колькасць цягнікоў міжрэгіянальных ліній на гэтыя выхадныя дні

1

Беларуская чыгунка павялічыла колькасць цягнікоў міжрэгіянальных ліній на гэтыя выхадныя дні, паведамілі БелаПАН у прэс-службе БЧ.

Усяго з 6 па 9 лістапада па Беларускай чыгунцы будзе курсіраваць 26 дадатковых цягнікоў міжрэгіянальных ліній.

6 лістапада дадатковыя цягнікі накіроўваюцца па маршрутах Мінск — Брэст, Мінск — Гомель, Мінск — Полацк, Віцебск — Магілёў.

На 7 лістапада прызначаны дадатковыя цягнікі № 666 Брэст — Мінск, № 638 Мінск — Гомель, № 637 Гомель — Мінск; на 8 лістапада — цягнік № 688 Магілёў — Брэст; на 9 лістапада цягнікі — № 696 Брэст — Мінск, № 688 Магілёў — Мінск, № 638 Мінск — Гомель, № 637 Гомель — Мінск, № 693 Полацк — Мінск, № 694 Мінск — Полацк.

Больш падрабязную інфармацыю аб часе адпраўлення прызначаных дадатковых цягнікоў можна атрымаць на сайце БЧ, а таксама ў чыгуначных касах і па тэлефонах даведачных службаў.


Марына Носава.
ФОТА:rw.by

Поделиться ссылкой:


Мы есть в Telegram!
Подписывайтесь на наш канал «Народная Воля» в Telegram!